ايتىسكەر اقىن بالعىنبەك يماشەۆ «التىن دومبىرا» يەسى اتاندى
ەلباسى، «نۇر وتان» پارتياسىنىڭ ءتوراعاسى نۇرسۇلتان نازاربايەۆتىڭ سىندارلى ساياساتىنىڭ ماڭىزدى ءبىر تارماعى - ۇلتتىق قۇندىلىقتارعا باسا ءمان بەرۋ، ماڭگىلىك ەل بولۋ جولىندا عاسىرلار بويى قالىپتاسقان مادەني مۇرالاردى كوزدىڭ قاراشىعىنداي ساقتاۋ، كەلەشەك ۇرپاققا اماناتتاۋ. وسى مىندەتتىڭ اياسىندا، قازاق ايتىس ونەرىنىڭ دامۋىنا اتسالىسۋ كۇن تارتىبىندەگى ماسەلە ەكەنى انىق. بۇل ايتىس تا دارىندى جاس اقىنداردىڭ اقىندىق پەن ورىنداۋشىلىق شەبەرلىگىنىڭ شىڭدالا ءتۇسىپ، كوپشىلىككە تانىلۋىنا جانە تاۋەلسىزدىك يدەياسىن، ەلدەگى حالىقتار دوستىعىن، بەرەكە-بىرلىك پەن ساياسي تۇراقتىلىقتى جىرلاۋعا، سول ارقىلى جاس ۇرپاقتى ادامگەرشىلىك، وتانسۇيگىشتىك قاسيەتتەرگە تاربيەلەۋگە ارنالدى.
پارتيانىڭ قولداۋ بىلدىرۋىمەن وتكەن جىلدان بەرى «نۇر وتاننىڭ» 15 جىلدىق مەرەيتويىنا ارنالعان وننان استام حالىقارالىق جانە رەسپۋبليكالىق دەڭگەيدەگى اقىندار ايتىسىنىڭ ۇيىمداستىرىلعانى بەلگىلى. بۇعان بيىلدىڭ وزىندە تالدىقورعاندا «ءبىر ەل - ءبىر حالىق - ءبىر تاعدىر»، اقتاۋدا «بەرەكە باسى - بىرلىكتە»، تارازدا «وتباسىم تىرەگىم، وتانىم جۇرەگىم»، قاراعاندىدا «ەرلەرىم ەڭبەك ەتكەن جەر»، شىمكەنتتە «شىرايلى، شەجىرەلى قۇتتى مەكەن»، وسكەمەندە «التايىم - التىن بەسىگىم» اتتى رەسپۋبليكالىق ايتىستاردىڭ ۇيىمداستىرىلۋى دالەل.
ايتىستى حالىقارالىق «ايتىس اقىندار مەن جىرشى-تەرمەشىلەر» وداعىنىڭ باسقارما ءتوراعاسى، قوعام قايراتكەرى، اقىن ءجۇرسىن ەرمان جۇرگىزدى.
شاراعا بەلگىلى تۇركىتانۋشى، مەملەكەت جانە قوعام قايراتكەرى، قورقىت اتا عىلىمي-زەرتتەۋ ورتالىعىنىڭ ديرەكتورى مىرزاتاي جولداسبەكوۆ، ق ر پارلامەنتى ءماجىلىسىنىڭ دەپۋتاتى ورازكۇل اسانعازى قىزى، ق ر ۇلتتىق سپورت تۇرلەرى قاۋىمداستىعىنىڭ پرەزيدەنتى، جىرشى-تەرمەشى بەكبولات تىلەۋحان، ساياسي-قوعامدىق «ارا» جۋرنالىنىڭ باس رەداكتورى، قازاقستان جازۋشىلار وداعى ساتيرا كەڭەسىنىڭ ءتوراعاسى كوپەن امىربەك، «قازاقستان رەسپۋبليكاسى ارداگەرلەر ۇيىمى» ر ق ب ورتالىق كەڭەسىنىڭ ءتوراعاسى ءومىرزاق وزعانبايەۆ، قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى «پاراسات» وردەنىنىڭ يەگەرى اسانالى ءاشىموۆ جانە ايتىسكەر اقىن مۇحامەدجان تازابەك قازىلىق ەتتى. اقىنداردىڭ ونەرىن قازىلار ون باللدىق جۇيە بويىنشا باعالادى.
ايتىس ەكى بولىمگە سوزىلدى. ءبىرىنشى بولىمدە: نۇرمات مانسۇروۆ - ورازباي بولاتبەك، جانسايا مۋسينا - ەرجان ءامىروۆ، اينۇر تۇرسىنبايەۆا - ايبەك قاليەۆ، سىرىم اۋەزحان - ءبىرجان بايتۋوۆ، ەركەبۇلان قاينازار - جانداربەك بۇلعاقوۆ ءسوز سايىستىرسا، ەكىنشى بولىمدە: قاليجان بىلداشەۆ - جاقسىلىق ورىنباسار، اسەم ەرەجە قىزى - تولەگەن جامانوۆ، سارا توقتامىس - اسەت دۇيسەبايەۆ، بالعىنبەك يماشەۆ - مەيىربەك سۇلتانحان، ماقسات اقانوۆ - نۇرلان مۇسايەۆ، مۇحتار نيازوۆ - بەكارىس شويبەكوۆ سىندى اقىندار باق سىنادى.
سونىمەن ءدۇبىرلى جىر دوداسىنىڭ قورىتىندىسى بويىنشا باس جۇلدە - «التىن دومبىرانى» جانە 000 3000 تەڭگە كولەمىندەگى سىياقىنى بالعىنبەك يماشەۆ يەلەندى. ءبىرىنشى ورىنعا جانداربەك بۇلعاقوۆ (000 2000 تەڭگە) لايىق دەپ تانىلسا، ەكىنشى ورىندى ەركەبۇلان قاينازاروۆ يەلەندى ( 1 ميلليون 500 مىڭ تەڭگە). ال ەكى ءۇشىنشى ورىندى بەكارىس شويبەكوۆ (000 1000 تەڭگە) پەن اينۇر تۇرسىنباەۆا (000 1000 تەڭگە) ءوزارا ءبولىستى.
