بيرجادا قازاقستان بانكتەرىنىڭ اكسيالارى ەداۋىر ارزانداپ كەتتى
سوڭعى ۋاقىتتا قازاقستاندىق بانكتەر بيرجادا تۇراقسىز ديناميكا كورسەتىپ وتىرعاندىعىن ايتا كەتكىمىز كەلەدى. تەك قاراشا ايىنىڭ سوڭىندا قازكوممەرتسبانك اكسيالارى ءبىر كۇندە 31,15 پايىزعا كۇرت قىمباتتاپ، سوندا ءبىر اكسيانىڭ باعاسى 400 تەڭگە بولعان.
ەستەرىڭىزگە سالا كەتەيىك، تولىق ءبىر اي بويى بانكتىڭ ءبىر قاعازى 300 تەڭگە ماڭايىندا بولعان. قىركۇيەكتە ءبىر اكسيا شامامەن 500 تەڭگەگە دەيىن جەتكەن.
5- جەلتوقسان كۇنگى ساۋدا-ساتتىقتىڭ قورىتىندىسى بويىنشا قازكوم قاعازدارى جەتى پايىزدان ارتىق باعاعا ارزانداپ كەتتى. ءسويتىپ، بانكتىڭ ءبىر اكسياسىنىڭ باعاسى 370 تەڭگەنى قۇرادى. ايتا كەتەيىك، 5- جەلتوقسان كۇنى بيرجادا ق ك ب-ءنىڭ بارلىعى ون مىڭعا جۋىق اكسياسى جالپى سوماسى 3,9 ميلليون تەڭگەگە (21,7 مىڭ دوللارعا) ساتىلدى.
سونداي-اق، اكسيالارى KASE يندەكسىنە كىرەتىن تاعى ءبىر قازاقستاندىق بانك جاعىمسىز ديناميكا كورسەتتى. اتاپ ايتقاندا، حالىق بانكىنىڭ قاعازدارى ءبىر كۇندە شامامەن ءتورت پايىزعا ارزانداپ كەتتى. وسى رەتتە ايتا كەتەيىك، KASE يندەكسىنە كىرەتىن باسقا كومپانيالاردىڭ اكسيالارى دا نەگىزىنەن جاعىمسىز ديناميكا كورسەتتى. KAZ Minerals PLC، «قازاق تەلەكوم» جانە «قازترانسويل» اكسيالارى از-ماز ارزاندادى. تەك «قازمۇنايگاز» بارلاۋ ءوندىرۋ اكسيالارى عانا قىمباتتاپ، ءوسىم 1,51 پايىزدى قۇرادى.
