بايان ەسەنتايەۆانىڭ جىلدىق تابىسى قانشا؟
كۇنى كەشە سۇرانىسقا يە جۇلدىزداردىڭ ءتىزىمىن جاساعان Forbes.kz جۋرنالى وسىنداي مالىمەت بەردى. ايتا كەتەيىك، بايان ەسەنتايەۆا شوۋ- بيزنەس سالاسىندا وزىندىك ورنى بار تالانتتى انشىلەرگە پروديۋسەر بولۋمەن قاتار، بىرنەشە فيلم، تەلەحيكايا ءتۇسىرىپ، كوپتەگەن وتاندىق باعدارلامالاردىڭ پروديۋسەرى بولىپ ءجۇر. بايان كورەرمەندەرگە سونداي- اق تەلەجۇرگىزۋشى ءارى اكتريسا رەتىندە دە بەلگىلى.
بيىلعى جىل بايان ەسەنتايەۆا ءۇشىن تابىستى جىل بولدى دەسەك، قاتەلەسپەيمىز. بەلدى پروديۋسەر 2014 - جىلى بىرنەشە جوبالاردىڭ تۇساۋىن كەستى. ماسەلەن، جىل باسىندا بايان ەسەنتايەۆا، باستى رولدە ءوزى ويناعان «وستوروجنو، كوروۆا!» فيلمىن ءتۇسىردى. ال جاقىندا پروديۋسەر قازاقستاندىق كورەرمەندەرگە 12 سەريادان تۇراتىن «ماحابباتىم جۇرەگىمدە» اتتى تەلەحيكاياسىن ۇسىندى. بيىل تەلەجۇرگىزۋشى سونىمەن قاتار، شوۋ- بيزنەس سالاسىندا دا ايتارلىقتاي تابىستارعا جەتتى - KeshYou توبىنىڭ قۇرامىن وزگەرتىپ، ۇجىمداعى ءانشى جانار دۇعالوۆانى جەكە ءانشى رەتىندە الىپ شىقتى. بايان حانىمنىڭ بۇل يدەياسى توسىننان ەمەس، ۇلكەن وي- تولعانىستان كەيىن تۋىنداعانى، ايتپاسا دا تۇسىنىكتى. ماسەلەن، KeshYou توبىنان كەتكەن جانار بيىل جەكە ءانشى رەتىندە «Turkvision-2014» حالىقارالىق ءان بايقاۋىنا قاتىسىپ، باس جۇلدەنى جەڭىپ الدى. بايان ەسەنتايەۆانىڭ مۋزىكالىق جوبالارى ءوز جەمىسىن بەرۋدە. دەمەك، KeshYou توبى ءبىر توبە بولسا، جانار دۇعالوۆا ەندى ءبىر توبە بولماق. بۇدان پروديۋسەر تابىسىنىڭ دا ەسەلەپ ارتاتىنى بەلگىلى. ايتا كەتەيىك، جاقىندا پروديۋسەر «لاشىن» دەگەن اتپەن تاعى ءبىر جاڭا توپتى قۇردى. قازىر بايان ەسەنتايەۆا ەركە ەسماحان، جانار دۇعالوۆا سىندى انشىلەر مەن «KeshYou» جانە «لاشىن» توپتارىنىڭ پروديۋسەرى.
دايىنداعان گۇلدەن سامىلتىروۆا
lite.bnews.kz
