ۇلىقپان جولداسوۆ «باتىس» توبىن قۇردى

استانا . قازاقپارات - ۇلىقپان جولداسوۆ حالىققا جاڭا جوباسى «باتىس» توبىن جاريالاۋعا دايىن.

ءبىز بۇگىن ۇلىقپان مىرزاعا قوڭىراۋ شالىپ، توپ تۋرالى تولىق مالىمەت سۇرادىق.

«توپتىڭ ەسىمىن «باتىس» دەپ ءوزىم قويدىم. سەبەبى، ۇشەۋىمىزدە باتىس ءوڭىرىنىڭ تۋماسىمىز جانە ادەمى ەستىلەدى. ەر ادامداردان قۇرالعان توپقا ناعىز ساي ەسىم دەپ ويلايمىن» ، - دەدى ۇلىقپان جولداسوۆ.

جاڭا توپتىڭ قۇرامى 3 جىگىتتەن تۇرادى. ۇلىقپان جولداسوۆ، بىلتىرعى «قازاقستان داۋىسى» اتتى مۋزىكالىق جوباسىنىڭ قاتىسۋشىسى بەردىبەك قۇلعارايەۆ جانە بيىلعى «قازاقستان داۋىسى» جوباسىنا قاتىسىپ جاتقان الماس كىشكەنبايەۆتىڭ جەتەكشىلىگىندەگى باۋىرجان رەتبايەۆ.

ەستەرىڭىزدە بولسا وسىدان بىرنەشە كۇن بۇرىن ءبىزدىڭ سايت «زامان» توبىنىڭ ۇلىقپان جولداسوۆتان كەتەتىندىگى جانە «كاسپي» توبىن تارقاتىپ، جاڭا توپ قۇرعالى جاتقاندىعى جونىندە حابارلاعان بولاتىنبىز. قازىرگى تاڭدا «زامان» توبىنىڭ جىگىتتەرى وزدەرى جەكە جۇمىس جاساۋدا. ءبىراق، ۇنەمى ۇلىقپان جولداسوۆپەن بىرگە. جىگىتتەر اندەرىن بۇرىنعى، ياعني ۇلىقپان جولداسوۆتىڭ ستۋدياسىندا جازادى. الايدا، بۇدان بىلاي ءوز تابىستارىنا وزدەرى قوجالىق ەتەدى.

ەندى ۇلىقپان مىرزا بار كۇشىن «باتىسقا» سالماقشى.

 

baistars.kz