قازاقستاننىڭ نامىسىن قورعايتىن ەڭ سۇلۋ الماتىلىق ارۋ قىز - فوتو
ءمادينا مۇناي كومپانياسىندا جۇمىس جاسايدى. ال وسى بايقاۋعا قاتىسۋ ءۇشىن ءبىر ايعا دەمالىس الادى ەكەن. ول ءوزىنىڭ وسى بايقاۋعا قاتىسۋ ءۇشىن ءبارىن دە، ءتىپتى ۇلتتىق جانە كەشكى ءساندى كيىمدەرىن دە دايىنداپ قويعاندىعىن ايتتى. وسى رەتتە ايتا كەتەيىك، ءمادينانىڭ حالىقارالىق قىز سىنى بايقاۋلارىنا قاتىسىپ جۇرگەن تاجىريبەسى كوپ. 2014-جىلى ول «الەم فوتومودەلى» بايقاۋىندا Ⅱۆيتسە-ميسس اتاندى.
ەسكە سالا كەتەيىك، 2013-جىلى «تۋريزم ارۋى» بايقاۋىنا قازاقستاننىڭ اتىنان سۆەتلانا ايمۋرزايەۆا قاتىسقان بولاتىن. ءبىراق ول جۇلدەلى ورىنعا ىلىگە الماعان.
جالپى، «تۋريزم ارۋى» بايقاۋى 1994-جىلدان بەرى وتكىزىلىپ كەلەدى. ءارى الەمدەگى مارتەبەسى جوعارى بەس بايقاۋدىڭ قاتارىنا كىرەدى. بيىل بۇل بايقاۋدا الەمنىڭ ءارتۇرلى مەملەكەتتەرىنەن 67 ارۋ باق سىنايدى. ءۇش اپتا بويى بايقاۋعا قاتىسۋشى ارۋلار الۋان ءتۇرلى شارالارعا قاتىسادى: الەۋمەتتىك جوبالارعا، تانىستىرىلىمدارعا، كورسەتىلىمدەرگە. بايقاۋدىڭ فينالى داستۇرگە ساي جاڭا جىل مەرەكەسى تۇنىندە ءوتىپ، سالتاناتتى تۇردە جەڭىمپازدارى جاريالانادى.
