قازاقستان حالقى شەت ەلدەردەگى قازاق دياسپورالارىنىڭ ءومىرى مەن تاريحىنان حاباردار بولۋلارى ءتيىس - گ. بالتابايەۆا
كەشە الماتىدا «عىلىم ورداسى» ر م ك عيماراتىندا «ورتالىق ازيانىڭ قازاق دياسپورالارى: تاريح - مادەنيەت - ەسكەرتكىشتەر» تاقىرىبىندا وتكەن حالىقارالىق عىلىمي كونفەرەنسيا بارىسىندا دۇنيەجۇزى قازاقتارى قاۋىمداستىعىنىڭ تالداۋ ورتالىعىنىڭ ديرەكتورى، تاريح عىلىمدارىنىڭ كانديداتى گۇلعازيرا بالتابايەۆا وسىنداي پىكىر ءبىلدىردى.
«بۇگىندە قازاق حالقىنىڭ ۇشتەن بىرىنە جۋىعى شەت ەلدەردە ءومىر سۇرەدى دەۋگە بولادى. ولار دا سان قيلى كەزەڭدى باستان كەشىردى. ارالارىنان تالاي كورنەكتى تۇلعالار شىقتى. ءبىز ولار جايىندا ءبىلۋىمىز قاجەت. ءبىراق، وكىنىشكە قاراي، قازاق دياسپورالارىنىڭ تاريحى قازاقستان تاريحىندا ءالى كۇنگە دەيىن لايىقتى كورسەتىلمەگەن. ول تولىق كورسەتىلمەي، وتاندىق تاريحتى تولىققاندى دەپ ايتۋعا بولمايدى. بۇل جونىندە كەزىندە ق ر ءبىلىم جانە عىلىم مينيسترلىگىنە ءتيىستى ۇسىنىس تا ايتىلعان بولاتىن» - دەدى گ. بالتابايەۆا.
اۆتور: جاپپاربەرگەن ايبوتا
