ەلوردادا پايدالانىلمايتىن جەرلەر زاڭ بويىنشا الىنادى

استانا. قازاقپارات - جەردى ءتيىمدى پايدالانۋ ماسەلەسى ءاربىر مەملەكەتتە باستى ماسەلەلەردىڭ ءبىرى بولىپ تابىلادى. استانا قالاسىنىڭ جەر قاتىناستارى باسقارماسىندا پايدالانىلمايتىن نەمەسە زاڭعا قايشى پايدالانىلاتىن جەرلەردى انىقتاۋ جانە ولاردى قايتارۋ بويىنشا ارنايى جۇمىس توبى قۇرىلدى.

ق ر جەر كودەكسىنىڭ 82-بابىندا جانە ق ر ازاماتتىق كودەكسىنىڭ 242-بابىندا قاراستىرىلعان نورمالارعا سايكەس، اعىمداعى كەزەڭدە جالپى اۋدانى 0,3187 گ ا جەر ۋچاسكەسى ارنايى ەسەپكە الىندى.

قولدانىستاعى زاڭناما نورمالارى مەن تالاپتارىنا سايكەس، يەسىز مۇلىك رەتىندە ارنايى ەسەپكە الىنعان بارلىق ۋچاسكەلەر بويىنشا زاڭمەن قاراستىرىلعان مەرزىم وتكەن سوڭ (ەسەپكە قويىلعاننان كەيىن 1 جىل) باسقارما بەلگىلەنگەن تارتىپتە جەرلەردى مەملەكەتكە قايتارۋ بويىنشا سوتقا تالاپ ارىز بەرەتىن بولادى.

ايتا كەتەيىك، 2010-جىلدان 2014-جىلعى 30- ماۋسىمعا دەيىنگى كەزەڭدە جۇرگىزىلىپ جاتقان جوسپارلى جۇمىستار ناتيجەسىندە جانە باسقارمانىڭ تالاپ ارىزدارى بويىنشا، سونداي-اق سوتتاردىڭ ءتيىستى شەشىمدەرىنىڭ نەگىزىندە جالپى، 7,0 مىڭ گ ا قۇرايتىن پايدالانىلمايتىن نەمەسە زاڭناماعا قايشى پايدالانىلاتىن جەرلەر مەملەكەتكە قايتارىلدى، دەپ جازادى astana.gov.kz.