رۋبلدىڭ ديەۆالۆاتسياسى تەڭگەگە ەش اسەر ەتپەيدى - ە. ساعاديەۆ
بۇل تۋرالى كەشە استانادا ءوتىپ جاتقان قازاقستان- فرانسيا بيزنەس- فورۋمىندا ق ر ينۆەستيتسيالار جانە دامۋ ۆيتسە- ءمينيسترى ەرلان ساعاديەۆ ايتتى.
«ەگەر ۇلتتىق بانكتەن كەلگەن ساندارعا جۇگىنەتىن بولساق، تەڭگەنىڭ جاعدايى ازىرگە تۇراقتى. ونىڭ سترەسكە ۇشىراۋ- ۇشىراماۋى رۋبلدىڭ قانشا قۇلدىرايتىنىنا بايلانىستى. ەڭ باستىسى، مۇناي باعاسىنىڭ قانشالىقتى تومەندەۋى بولىپ وتىر. بۇل فاكتور دا وتە ماڭىزدى» - دەدى ە. ساعاديەۆ.
سونداي- اق ونىڭ اتاپ وتۋىنشە، بۇگىندە رەسەيدەگى ديەۆالۆاتسيانىڭ سالدارىنان قۇلدىراپ كەتكەن رۋبلدىڭ تەڭگەنىڭ تۇراقتىلىعىنا كەرى اسەرى بايقالعان ەمەس.
«ەگەر دە رەسەيلىك ارزان تاۋارلار جاپپاي قازاقستانعا قاراي اعىلاتىن بولسا، وندا تەڭگەگە قاتىستى قىسىم بولاتىنى تۇسىنىكتى. دەگەنمەن رەسەي بۇگىندە ءوزىن- ءوزى تولىقتاي قامتاماسىز ەتە الماي وتىر. سوندىقتان ءبىز ءرۋبلدىڭ قۇلدىراۋى رەسەي تاراپىنان يمپورتتىڭ اعىلۋىنا الىپ كەلەتىندەي ەشقانداي سەبەپ كورىپ وتىرعان جوقپىز»، - دەدى ە. ساعاديەۆ.
ونىڭ ايتۋىنشا، ەڭ باستىسى - جاعدايدى جاقسىلاپ قاداعالاپ وتىرۋ قاجەت. ۇكىمەتتىڭ كەلەسى قيمىلى جاعدايدىڭ ودان ءارى قالاي دامۋىنا بايلانىستى بولماق.
اۆتور: ءابۋ- اسقار مەكەش ۇلى
