فرانسۋز پرەزيدەنتى ۋكراينا داعدارىسىن رەتتەۋگە قاتىستى قازاقستاننىڭ ۇستانىمىن قولدايدى - ەلباسى
بۇل تۋرالى بۇگىن اقوردادا قازاقستانعا مەملەكەتتىك ساپارمەن كەلگەن فرانسۋز رەسپۋبليكاسىنىڭ پرەزيدەنتى فرانسۋا وللاندپەن كەزدەسۋىنەن كەيىن مەملەكەت باسشىسى نۇرسۇلتان نازاربايەۆ ءمالىم ەتتى.
«كەلىسسوزدەر بارىسىندا وڭىرلىك ماسەلەلەر، تاياۋ شىعىس جاعدايلارى، رەسەي مەن ەۋروپا اراسىندا سانكسيالار اياسىنداعى حالىقارالىق تاقىرىپتار بويىنشا مازمۇندى پىكىر الماسۋلار ءوربىدى. ۋكراينا ماسەلەسى دە تالقىلاندى. فرانسيا تاراپى ءبىزدىڭ ىنتىماقتاستىعىمىز بويىنشا ءبىرقاتار وزەكتى ماسەلەلەرگە قولداۋ ءبىلدىردى. ەۋروپالىق وداق مەن ەۋرازيالىق ەكونوميكالىق وداق اراسىنداعى ديالوگ ورناتۋ مۇمكىندىكتەرى دە قارالدى. سونىمەن قاتار ءبىز ۋكراينا داعدارىسىن رەتتەۋ قادامدارىن دا سالىستىردىق»، - دەپ اتاپ ءوتتى ن. نازاربايەۆ.
«بۇل رەتتە ءبىزدىڭ، پرەزيدەنت فرانسۋا وللاند ەكەۋىمىزدىڭ ۇستانىمىمىز ۇقساس. ءبىز ەشكىمگە دە كومەك بولمايتىن، كەرىسىنشە، حالىقارالىق ساياسي جاعدايدى ناشارلاتاتىن وسىناۋ داعدارىستى ەڭسەرۋدى نۇكتەسى تابىلعانىن قالاعان ەدىك. بۇل داعدارىس تەك ەۋروپا مەن ازيانىڭ عانا ەمەس، الەم ەكونوميكاسىنا تەرىس اسەر ەتىپ وتىر. ءبىز مامىلەگە جەتەلەيتىن قادامدار بار دەپ ەسەپتەيمىز. مەن ءوز تاراپىمنان قازاقستاننىڭ وسى ماسەلەدەگى كۇش- جىگەرىن ارتتىرۋعا دايىنمىن. فرانسيا پرەزيدەنتى دە بۇل باعىتتا ءبىزدىڭ كۇش- جىگەرىمىزدى قولداپ وتىر»، - دەدى ن. نازاربايەۆ.
اۆتور: قانات مامەتقازى ۇلى
