ەلباسى: رەسەيدىڭ قۋاتىن جەتە باعالاماۋ دۇرىس ەمەس

استانا. قازاقپارات - بۇگىن اقوردادا فرانسۋز رەسپۋبليكاسىنىڭ پرەزيدەنتى فرانسۋا وللاندپەن كەلىسسوزدەردەن كەيىن تىلشىلەر ساۋالىنا جاۋاپ بەرۋ كەزىندە ەلباسى نۇرسۇلتان نازاربايەۆ باتىستىڭ رەسەيگە قارسى سانكتسيالىق ساياساتىنا ءوزىنىڭ باعاسىن بەردى.

«رەسەيدىڭ قۋاتىن جەتە باعالاماۋ دۇرىس ەمەس. بۇل - اۋماعى بويىنشا ەڭ ۇلكەن مەملەكەت جانە ەڭ باي ەل» ، - دەدى ن. نازاربايەۆ.

ەلباسى تالقىلاۋلار بارىسىندا ف. وللاندپەن بىرگە قالىپتاسقان احاۋالدان شىعۋدىڭ جولىن تابۋ باعىتىندا ءبىرىڭعاي پىكىرگە كەلگەندىگىن اتاپ ءوتتى.

 سونىمەن قاتار ن. نازاربايەۆ ر ف ەكونوميكاسى الەمدىك ەكونوميكاعا تىعىز ىقپالداسپاعاندىقتان، رەسەيگە قارسى سانكتسيالار ءتيىستى اسەرىن بەرمەيتىندىگىن ايتتى.

 قازاقستان پرەزيدەنتى ر ف باسشىسى ۆ. پۋتيندى ليبەرال دەپ سانايتىندىعىن، سونداي- اق پۋتيننەن كەيىن رەسەيدە ناتسيونال- پاتريوتيزم نەمەسە كوممۋنيستىك ريەۆانشيزم قانداي بولاتىندىعى بەلگىسىز ەكەندىگىن جەتكىزدى.

 

اۆتور: رۋسلان عابباسوۆ