جاستاردى «جيھادقا» ۇگىتتەگەن پاۆلودارلىقتارعا سوت ۇكىمى شىقتى

استانا. قازاقپارات - پاۆلوداردا لاڭكەستىك پەن ەكسترەميزمدى ناسيحاتتاعاندارعا قاتىستى سوت ۇكىمى شىقتى. جاستاردى «جيھادقا» ۇگىتتەگەن ءتورت ادام 3 جىلدان 6 جىلعا دەيىن باس بوستاندىقتارىنان ايىرىلدى.

 ەڭ ۇزاق مەرزىمدى، ياعني 6  جىلدى ءوزىن «جاماعات ايدارحان» دەپ اتاعان توپ جەتەكشىسى ارقالادى. 46 جاستاعى «ءامىر» جەرگىلىكتى كۇزەت اگەنتتىگىنىڭ باسشىسى قىزمەتىن دە قوسا اتقارعان.

 قالعان 20-25 جاس ارالىعىنداعى ازاماتتار اقبييەۆ، جولايەۆ، قابدەن الداعى 3 جىلدى اباقتىدا وتكىزەتىن بولدى. بۇلار قالاداعى جالدامالى پاتەرلەر مەن ورتالىق مەشىتتىڭ ماڭايىندا جيىن ۇيىمداستىرىپ، جۇرتشىلىقتى جيھادقا قاتىسۋعا شاقىرعان. سونداي- اق ساداقا جيناپ، ول اقشانى سوتتالعان جولداستارىنىڭ وتباسىلارىنا كومەك رەتىندە ۇلەستىرىپ كەلگەن.

قىلمىستىق توپ سوت زالىنان تىكەلەي جالپى تارتىپتەگى تۇزەۋ كولونياسىنا جونەلتىلدى، دەپ حابارلايدى ك ت ك تەلەارناسى.