پرەزيدەنتتىڭ قىزىن سىنايمىن دەپ جۇمىسىنان كەتتى
«كوپ ساعات بويى قۇدايعا سىيىنىپ، اتا-اناممەن سويلەسكەننەن كەيىن جانە ەسكەرتۋلەرىمدى قايتا قاراعاننان سوڭ مەن ءوز سوزدەرىمنىڭ قانشالىقتى بالاعاتتاۋ ەكەندىگىن ءتۇسىندىم. مەن وسى سوزدەرىممەن كىمنىڭ نامىسىنا ءتيدىم، بارلىعىنان كەشىرىم سۇرايمىن جانە وسى سىناقتان وزىمنەن ساباق الدىم»، - دەيدى لاۋتەن.
لاۋتەنگە اق ۇيدە بولعان ريزاشىلىق كۇنىنىڭ ءداستۇرلى شاراسى كەزىندە ساشا مەن ماليانىڭ قىلىقتارى ۇناماي قالىپتى. «قىمباتتى ساشا مەن ماليا، تۇسىنەمىن، سەندەردىڭ جاستارىڭ قازىر وتپەلى كەزەڭدە تۇر. الايدا سەندەر - مەملەكەتتىڭ ءبىرىنشى ادامىنىڭ وتباسى مۇشەسىسىڭدەر. سوعان لايىق كيىنىپ، سول دەڭگەيدە ءجۇرىپ-تۇرۋلارىڭ كەرەك. وزدەرىڭدى سىيلاڭدار. ايتپەسە، كوڭىل كوتەرۋ ورنىنا باراتىنداي كيىنىپ الاسىڭدار. سونىمەن قاتار، تەلەديدارعا شىققاندا تۇرلەرىڭدى تىرجيتىپ الۋ ارتىقتاۋ»، - دەپ Facebook پاراقشاسىنا جازعان بولاتىن.
الەۋمەتتىك جەلى قولدانۋشىلارى ونىڭ حابارلاماسىن سىنعا العاننان كەيىن ول بۇل جازباسىن ءوشىرىپ تاستاپ، بارلىعىنان كەشىرىم سۇراعان. ماليا وباما 1998-جىلى، ال ساشا 2001-جىلى تۋعان. ەكەۋى سپورتپەن شۇعىلدانادى. ماليا فۋتبول وينايدى جانە ءبي بيلەۋدى ۇيرەنۋدە. ساشا گيمناستيكانى تاڭداعان. ولار ۆاشينگتونداعى كلينتون، نيكسون جانە تەودور رۋزۆەلت سياقتى پرەزيدەنتتەردىڭ بالالارى وقىعان Sidwell Friends School جەكە مەكتەبىنە بارادى.
