استانا ماڭىنداعى اۆياتسيالىق بازادا ديۆەرسياعا قارسى جاتتىعۋ ءوتتى
تاۋلىكتىك نارياد جەكە قۇرامى ءۇشىن شارتتى تۇردەگى باندى توبىنىڭ بولىمدەگى كۇزەتىلەتىن نىساندارعا شابۋىلداۋى كۇتپەگەن جاعدايدان باستالدى.
ديۆەرسياعا قارسى قاۋىپسىزدىك جونىندەگى نۇسقاۋلىق- ادىستەمەلىك ساباقتاردىڭ جوسپارى بويىنشا تاۋلىكتىك نارياد قولدا بار كۇش- قۇرالدارىمەن شارتتى تۇردەگى ۇرىستى قابىلداپ، قارسىلاستىڭ شابۋىلىنا تويتارىس بەرە وتىرىپ، رەزەرۆتەگى قاراۋىل توبى مەن كەزەكشى بولىمشە كەلگەنشە ۋاقىت ۇتۋى قاجەت بولدى.
وقۋ دايىندىعى بارىسىندا ءبولىم بويىنشا كەزەكشىنىڭ تاجىريبەلىك ءىس-قيمىلدارى جاۋىنگەرلىك ەسەپ توپقا سايكەس دابىل بويىنشا تاۋلىكتىك ناريادتىڭ جەدەلدىگى ماسەلەلەرى پىسىقتالدى. جاتتىعۋدا مايور اسىلبەك جاقىپبەكوۆ، كاپيتاندار نۇرتاس احمەتبەكوۆ، امانگەلدى سۇلتاشيەۆ جانە قاتارداعى جاۋىنگەر ءمىرتاس راحىمبايەۆتاردىڭ ۇيلەسىمدى جانە ناقتى ءىس-قيمىلدارى اتاپ ءوتىلدى.
