قازاقستان جاھاندىق سىناقتى ەڭسەرۋدىڭ كەمەل ۇلگىسىن جاساي ءبىلدى
بۇل تۋرالى بەلارۋس رەسپۋبليكاسى پرەزيدەنتىنىڭ جانىنداعى باسقارۋ اكادەمياسىنىڭ پرورەكتورى، پروفەسسور، فيزيكا-ماتەماتيكا عىلىمدارىنىڭ دوكتورى يگور گانچەرەنوك حابارلادى.
«بۇل جاي عانا ستراتەگيالىق بولجام ەمەس، ناقتى ءىس-قيمىل جوسپارى، 6 تريلليوندى قۇرايتىن جالپى يننوۆاتسيالىق پورتفەل. ۇلتتىق قور قاراجاتىن پايدالانۋ - زاماناۋي شارا»، - دەيدى ول.
مۇنداي ماتەريالدىق قۇندىلىقتاردىڭ بولۋى قازاقستاننىڭ جۇيەلى ۇلتتىق پروبلەمالاردى شەشۋگە الدىن الا ازىرلەنگەن نورماتيۆتىك تاسىلدەرىنىڭ تيىمدىلىگىن كورسەتەدى. ونىڭ نەگىزىندە مەملەكەت اينالاسىنا وسى فۋنكتسيالاردى ىسكە اسىرۋعا جانە جوعارى ماكروەكونوميكالىق كورسەتكىشتەرگە جەتۋ ءۇشىن ءوز الەۋەتىن كورسەتە بىلۋگە قابىلەتتى ءىرى مەنشىك يەسى جانە «مەنەدجەر» رەتىندەگى قوعامدى شوعىرلاندىرماق.
سونداي-اق ول الەمدەگى كۇردەلى ەكونوميكالىق جاعدايعا قاراماستان، قازاقستان پرەزيدەنتىنىڭ بارلىق الەۋمەتتىك باعدارلامالاردى كەپىلدى جالعاستىراتىنىن، ءبىلىم بەرۋدى ودان ءارى دامىتۋعا، تۇرعىن ءۇي مەن الەۋمەتتىك ينفراقۇرىلىمداردى نىعايتۋعا كۇش سالاتىنىن مالىمدەگەنىن اتاپ ءوتتى.
«ق ر پرەزيدەنتى ن. ءا. نازاربايەۆتىڭ «نۇرلى جول» جولداۋى - ءوزارا جاۋاپكەرشىلىكپەن، جۇدىرىقتاي جۇمىلعان ءار قازاقستاندىقتىڭ ءال-اۋقاتى مەن ءومىر ساپاسىن ارتتىرۋعا سەنىمدى تۇردە ۇمتىلعان ءوز حالقىنىڭ الدىنداعى مىقتى مەملەكەتتىڭ مىندەتتەمەسى دەسە بولادى»، - دەپ تۇيىندەدى ءسوزىن ي. گانچەرەنوك.
