يسپانيادا قازاقستان تاۋەلسىزدىگى مەن ق ر تۇڭعىش پرەزيدەنتى كۇنى مەرەكەلەندى
«ءبىز ءۇشىن بۇل ەرەكشە شارا، ويتكەنى بۇل ەلشىلىگىمىز ءۇشىن مەرەيتويلىق جىل. تۋرا 15 جىل بۇرىن، ياعني 1999 -جىلى مۇندا قازاقستان ەلشىلىگى، ونىڭ ىشىندە يسپانيانىڭ قازاقستانداعى ەلشىلىگى اشىلدى. ءبىز قارىم- قاتىناستارىمىزدىڭ 15 جىلىندا قول جەتكىزىلگەن ىلگەرىلەۋشىلىكتەرگە باسا نازار اۋدارعىمىز كەلەدى» ، - دەيدى قازاقستاننىڭ يسپانيا كورولدىگىندەگى توتەنشە جانە وكىلەتتى ەلشىسى باقىت دۇيسەنبايەۆ.
كەشتە تانىمال قازاقستاندىق سكريپكاشى، حالىقارالىق بايقاۋلاردىڭ لاۋرەاتى ەرجان ق ۇلىبايەۆ مەڭدىعاليەۆتىڭ «دومبىرا تۋرالى اڭىز» كومپوزيتسياسىن ورىندادى. بۇدان باسقا، شارادا قازاقستان تۋرالى كورمە، قازاقتىڭ ءداستۇرلى تاعامدارى ۇسىنىلدى.
شاراعا يسپانيانىڭ تانىمال قايراتكەرلەرى قاتىستى، سونىڭ ىشىندە يسپانيا پارلامەنتى سەناتىنىڭ ۆيتسە- سپيكەرى حۋان حوسە لۋكاس حيمەنەز، دەپۋتاتتار، مينيسترلىكتەردىڭ وكىلدەرى، سول ەلدىڭ «تالگو» ، «ينترا» ، «ماكسام» سياقتى ءىرى كومپانيالارىنىڭ باسشىلارى، سونداي- اق يسپاندىق ب ا ق وكىلدەرى مەن مادەنيەت قايراتكەرلەرى بولدى.
