اۆتوماتتاندىرۋ سالاسىندا قازاقستاندىق ونىمدەرگە سۇرانىستى قامتاماسىز ەتۋ قاجەت
جيىنعا قاتىسۋشىلاردىڭ پايىمىنشا، اۆتوماتتاندىرۋ سالاسىندا وتاندىق جوبالار باسەكەگە قابىلەتتىلىگىن كورسەتە الاتىن دەڭگەيگە جەتىپ وتىر.
«الايدا دايىن يمپورتتىق ۇسىنىستىڭ قىسپاعى سالدارىنان وتاندىق ونىمگە سۇرانىس تومەن. راسىندا، قازاقستاندا سالالاردى اۆتوماتتاندىرۋ ىسىندە يمپورتتىق ۇسىنىستارعا باسىمدىق بەرىلىپ كەلەدى»، - دەيدى قازاقستاننىڭ IT- كومپانيالار قاۋىمداستىعىنىڭ پرەزيدەنتى نۇرلان يسين. ونىڭ پىكىرىنشە، قارجى مەن بانك، مۇناي-گاز، مەتاللۋرگيا، كولىك جانە ەنەرگەتيكا سەكىلدى ەلىمىزدىڭ كوپتەگەن سالالارى ءالى كۇنگە دەيىن تەك اسا قىمبات شەتەلدىك اۆتوماتتاندىرۋ جوبالارىن ەنگىزىپ وتىر.
«مەنىڭ ويىمشا، ۆەندەرلەر مەن شەتەلدىك كومپانيالاردىڭ ۇسىنىستارىنىڭ ىقپالىمەن جۇرە بەرۋگە بولمايدى. قازاقستاندىق زەرتتەۋشىلەرگە باسىمدىق بەرىلىپ، ولاردىڭ ونىمدەرىنە سۇرانىستى قامتاماسىز ەتۋ تۋرالى ويلانۋ قاجەت، ايتپەسە ەلىمىز شەتەلدىك كومپانيالاردىڭ «تۇتقىنىندا» قالىپ، بارلىق وتاندىق ماماندار ولاردىڭ جۇمىسشىلارىنا اينالاتىن بولادى»، - دەيدى ن. يسين.
بۇل رەتتە قاۋىمداستىق باسشىسى قازىرگى زامانعى اۆتوماتتاندىرۋدى جۇرتشىلىق كوبىنەسە اقپاراتتىق تەحنولوگيالار رەتىندە عانا قابىلدايتىنىن العا تارتادى.
«اۆتوماتتاندىرۋ - بۇدان دا كەڭىرەك ۇعىم جانە ول اقپاراتتاندىرۋ ءۇردىسى كومەگىمەن جاسالىنادى»، - دەدى ول.
جيىن بارىسىندا ءمالىم بولعانىنداي، ARTA Software, NEWinttech, Asia Soft, Dynamics Technologies, ARTA Learning Solutions سەكىلدى وتاندىق كومپانيالاردىڭ تاجىريبەسى قازاقستاندىق ونىمدەردىڭ اۆتوماتتاندىرۋ بويىنشا جەمىستى تاجىريبە جيناقتاعانىن ايقىن اڭعارتادى.
اۆتور: قانات مامەتقازى ۇلى
