08:28, 05 - جەلتوقسان 2014 | GMT +6
ريم قالاسىندا لاۋازىمدى تۇلعالاردىڭ قاتىسى بار جەمقورلىق ىستەر اشىلدى
استانا. قازاقپارات - ريم قالاسىنىڭ مەرى ينياتسيو مارينو قالاعا قاتىستى بارلىق كەلىسىم-شارتتاردى تەكسەرۋ تۋرالى تاپسىرما بەردى. ويتكەنى، پوليتسيا قالا باسشىلىعىنداعى لاۋازىمدى قىزمەتكەرلەردىڭ قاتىسى بار بىرنەشە سىبايلاس جەمقورلىق ءىستى اشتى، دەپ حابارلادى BBC.
مۇنداي مالىمدەمەنى مارينو يتاليانىڭ سىبايلاس جەمقورلىققا قارسى ۆەدومستۆو وكىلدەرىمەن وتكەن كەڭەستەن كەيىن مالىمدەدى.
جەمقورلىق قىلمىسىنا قاتىستى قوزعالعان ىسكە بايلانىستى 37 كۇدىكتى ۇستالىپ، جۇزگە تارتا ادام تەرگەلىپ جاتىر. ولاردىڭ قاتارىندا بۇرىنعى مەر دجانني الەماننو دا بار.
تەرگەۋ ورگاندارىنىڭ حابارلاۋىنشا، ساياساتكەرلەر ۇيىمداسقان قىلمىستىق توپپەن ءسوز بايلاسىپ، بوسقىندار مەن ميگرانتتارعا بولىنگەن قارجىنى جىمقىرىپ كەلگەن.
