استانادا تاۋەلسىزدىك كۇنىنە وراي سۋرەت بايقاۋلارى وتەدى

استانا. قازاقپارات - ەلوردادا تاۋەلسىزدىك كۇنىنە وراي سۋرەت بايقاۋلارى وتەدى، دەپ حابارلايدى وبلىس اكىمىنىڭ باسپا ءسوز قىزمەتىنەن.

استانادا مەرەكەگە وراي ءبىرقاتار مادەني ءىس-شارالار ۇيىمداستىرىلادى. اتاپ ايتقاندا، جۇرتشىلىق نازارىنا سۋرەت بايقاۋلارى، ۇلتتىق ويىندار فەستيۆالى، سونداي-اق مەرەكەلىك كونسەرتتىك باعدارلامالار ۇسىنىلماق.

قالالىق ءبىلىم باسقارماسىنىڭ حابارلاۋىنشا، 11- جەلتوقساندا ق ر تۇڭعىش پرەزيدەنتى مۇراجايىندا «تۋعان جەرىم» اتتى حالىقارالىق سۋرەت بايقاۋى وتەدى. 12- جەلتوقساندا وقۋشىلار سارايىندا «قازاقستان - مەنىڭ وتانىم» اتتى قالالىق سۋرەت بايقاۋىندا بالالار ءوز ونەرلەرىن سىنعا سالادى.

سونداي-اق «شىعىس» بالالار مەن جاسوسپىرىمدەر ورتالىعىندا «ۇلتتىق ويىندار - اسىل مۇرامىز» فەستيۆالى، ال تەحنيكالىق شىعارماشىلىق ورتالىعىندا «تاۋەلسىزدىك - ەلىمنىڭ ەرلىك جولى» اتتى جاس تەحنيكتەر بايقاۋى ۇيىمداستىرىلادى.

12- جەلتوقساندا 1№ ونەر مەكتەبىندە «تاۋەلسىزدىك - ەل تىرەگى» اتتى مەرەكەلىك باعدارلاما كوپشىلىك نازارىنا ۇسىنىلاتىن بولادى.