ۇكىمەت وتىرىسىندا قازاقستاننىڭ جاھاندىق باسەكەگە قابىلەتتىلىك يندەكسىنىڭ كورسەتكىشتەرىن جاقسارتۋ ماسەلەلەرى قارالدى

استانا. قازاقپارات - بۇگىن ۇكىمەت ۇيىندە ق ر پرەمەر-ءمينيسترى كارىم ءماسىموۆ ق ر ۇكىمەتىنىڭ كەزەكتى وتىرىسىن وتكىزدى.

وتىرىستا قازاقستاننىڭ جاھاندىق باسەكەگە قابىلەتتىلىك يندەكسىنىڭ ادىلەت مينيسترلىگى مەن ىشكى ىستەر مينيسترلىگىنە بەكىتىلگەن ينديكاتورلارى بويىنشا كورسەتكىشتەرىن جاقسارتۋ ماسەلەلەرى قارالدى.

«قازىرگى ۋاقىتتا ۆەدومستۆو جاھاندىق باسەكەگە قابىلەتتىلىك يندەكسىنىڭ (ج ب ي) رەيتينگىسىندە ەلدىڭ پوزيتسياسىن جاقسارتۋ بويىنشا ماقساتتى باعىتتالعان شارالار كەشەنىن بەلگىلەدى. بارىنەن بۇرىن بۇل قىلمىستار تۋرالى وتىنىمدەردى تولىق تىركەۋ جانە ەسەپتەۋدى قامتاماسىز ەتۋ، ليتسەنزيالاۋ مەن قىزمەت كورسەتۋدىڭ جەكە تۇرلەرىن ەلەكتروندى فورماتقا وڭتايلاندىرۋ، اۆتوماتتاندىرۋ جانە كوشىرۋ»، - دەپ مالىمدەدى ءى ءى م باسشىسى قالمۇحانبەت قاسىموۆ.

ق ر ادىلەت مينيسترلىگىنە بەكىتىلگەن ينديكاتورلاردى جاقسارتۋ بويىنشا جۇمىس تۋرالى ۆەدومستۆو باسشىسىنىڭ ورىنباسارى زاۋرەش بايمولدينا مالىمدەدى. ونىڭ ىشىندە، اكىمشىلىك رەتتەۋگە قارسى بولۋداعى زاڭنامانىڭ تيىمدىلىگى، جەكە مەنشىكتىلىك قۇقىعى، داۋلى ماسەلەلەردى شەشۋدەگى زاڭنامانىڭ تيىمدىلىگى، زياتكەرلىك مەنشىكتى ساقتاۋ.

ونىڭ ايتۋىنشا، سوڭعى بەس جىلدا اتالعان كورسەتكىشتەر بويىنشا قازاقستان پوزيتسيالارىنىڭ جاقسارعانى بايقالدى. سونىمەن بىرگە، ادىلەت مينيسترلىگى ج ب ي رەيتينگىسىندە ەلىمىزدىڭ ودان ءارى جىلجۋى بويىنشا شارالار كەشەنىن جۇزەگە اسىرۋدى ۇسىندى.

ق ر ۇلتتىق ەكونوميكا ءمينيسترى ەربولات دوسايەۆ قاراعاندى وبلىسى جەزقازعان، ساتبايەۆ قالالارىنىڭ جانە  ۇلىتاۋ اۋدانىنىڭ 2012-2017 - جىلدارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارىن جۇزەگە اسىرۋ بارىسى تۋرالى مالىمدەدى، دەپ جازادى primeminister.kz.

«2012-2013 - جىلدارى جالپى 23,4 ميلليارد تەڭگە سوماعا ءتورت ءىس-شارا اياقتالىپ، 306 جاڭا جۇمىس ورنى قۇرىلدى. وڭىردە ەكى جاڭا كاسىپورىن اشىلعان، الەۋمەتتىك ينفراقۇرىلىمنىڭ ەكى نىسانى كۇردەلى جوندەۋدەن ءوتتى. وسى جىلى 14,4 ميلليارد تەڭگە سوماعا 57 ءىس-شارانى جۇزەگە اسىرۋ باستالدى، ونىڭ ىشىندە الەۋمەتتىك نىسانداردى مەديتسينالىق تەحنولوگيالىق جابدىقتارمەن جابدىقتاۋ جانە ا و ك نىساندارىنا ينفراقۇرىلىم تارتۋ بويىنشا 5 ءىس-شارا اياقتالدى. جىل سوڭىنا دەيىن تاعى 10 ءىس-شارانى اياقتاۋ كۇتىلۋدە»، - دەپ مالىمدەدى ە. دوسايەۆ.

قاراعاندى وبلىسى اكىمى نۇرمۇحامبەت ابدىبەكوۆ اتاپ وتكەندەي، ءۇ. ج. كەشەندى جوسپاردى جۇزەگە اسىرۋ اياسىندا ناقتى ناتيجەلەرگە قول جەتكىزىلدى. سونىمەن، ونەركاسىپتىك ءونىم ءوندىرىسى 140 ميلليارد تەڭگەنى قۇرادى، اۋىل شارۋاشىلىعى ءونىمىن شىعارۋ % 6 عا ارتتى، ش و ب بەلسەندى سۋبەكتىلەرىنىڭ سانى ءوستى، 19 مىڭ شارشى مەتر پايدالانۋعا بەرىلدى جانە باسقالارى.