رەسەي اسكەرى سىپايى، ءبىراق ايباتتى - ۆلاديمير پۋتين
پرەزيدەنتتىڭ ايتۋىنشا، رەسەي وتان قورعاۋدا زور مۇمكىنشىلىكتەرگە يە جانە سول قابىلەتتى ساقتاۋ ءۇشىن كەز كەلگەن قالىپسىز شەشىمدەردى قابىلداي الادى. ۆلاديمير پۋتين ر ف اسكەرىنەن اسىپ ءتۇسۋ ەشكىمنىڭ قولىنان كەلمەيدى دەپ مالىمدەدى. «ءبىزدىڭ اسكەر زاماناۋي، سوعىسقا قابىلەتتى، قازىرگى تىلمەن ايتقاندا سىپايى ءبىراق ايباتتى. بوستاندىعىمىزدى قورعاۋ ءۇشىن بىزدە كۇش تە، جىگەر دە، باتىلدىق تا جەتەدى»، - دەدى پرەزيدەنت.
ۆلاديمير پۋتين رەسەي الەمنىڭ سان الۋاندىعىن ساقتاپ قالاتىنىن، شەتەلدەگى ادامدارعا شىندىقتى جەتكىزىپ، ىسكەرلىك جانە گۋمانيتارلىق قاتىناستاردى، عىلىمي، ءبىلىم بەرۋ مەن مادەني بايلانىستاردى ىلگەرى جىلجىتىپ وتىراتىنىن ايتتى. «مۇنىڭ بارلىعىن ءتىپتى وزگە ەلدەردىڭ ۇكىمەتى ر ف توڭىرەگىنە جاڭا تەمىر شىمىلدىرىق قۇرماق بولسا دا ساقتاپ قالامىز»، - دەپ ناقتىلادى پرەزيدەنت.
سونىمەن قاتار، ۆلاديمير پۋتين ا ق ش قۇراستىرعان زىمىران قارۋىنان قورعانۋعا ارنالعان ستراتەگيا تەك رەسەي ءۇشىن عانا ەمەس ەۋروپا ەلدەرى مەن ا ق ش- تىڭ ءوزى ءۇشىن دە قاۋىپتى ەكەنىن مالىمدەدى، سەبەبى بۇل ورىندالمايتىن قاۋىپتى يلليۋزيا تۋعىزادى. «زىمىران قارۋىنان قورعانۋ تۋرالى كەلىسىم-شارتتان 2002-جىلدان باستاپ ا ق ش ءبىرجاقتى شىققالى بەرى ز ق ق ستراتەگياسىن قۇرۋ جۇمىستارى تاباندىلىقپەن جالعاسىپ كەلەدى. بۇل تەك رەسەيدىڭ قاۋىپسىزدىگىنە قاتەر ءتوندىرىپ تۇرعان جوق، سونىمەن قاتار بۇكىل الەمدىك كۇش تەڭگەرىمىن بۇزادى. بۇل ا ق ش ءۇشىن دە قاۋىپتى. ءبىز جاپپاي قارۋ شىعارۋعا نيەتتى ەمەسپىز، ءبىراق وتان قورعاۋ ءۇشىن جاڭا تالاپتاردىڭ بارلىعى بويىنشا قامتاماسىز ەتۋگە نىق دايىنبىز. بۇعان كۇمانىمىز جوق، ول سولاي بولادى، سەبەبى رەسەيدىڭ قالىپسىز شەشىمدەرى بار»، - دەدى ۆلاديمير پۋتين.
