بوستاندىق - الماتىنىڭ ەڭ كوپ قارۋلانعان اۋدانى

استانا. قازاقپارات- بوستاندىق - الماتى قالاسىنىڭ قارۋ-جاراعى ەڭ كوپ اۋدانى، - دەپ حابارلايدى «الماتى» تەلەارناسى قالالىق ىشكى ىستەر دەپارتامەنتىنە سىلتەمە جاساپ.

الماتى قالالىق ىشكى ىستەر دەپارتامەنتىنىڭ قارۋ اينالىمىن باقىلاۋ جانە ليتسەنزيالاۋ ءبولىمىنىڭ اعا ينسپەكتورى راقىم تولوقۇلوۆتىڭ مالىمەتىنشە، جالپى قالادا 1973 ادامنىڭ 69860 دانا سۋىق قارۋى بار. «تىركەلگەن قارۋلاردىڭ ىشىندە: كەسىلگەن: 8017، تەگىس وقپاندى - 34643، گازدى - 10279، تراۆماتيكالىق وقپەن اتىلاتىن گازدى قارۋ - 10440، تراۆماتيكالىق - 6079، پنيەۆماتيكالىق - 371، ەلەكتر قارۋى - 31 دانا. بوستاندىق اۋدانىندا 10460 ادام قارۋ ۇستايدى، بۇل - قالا بويىنشا ەڭ ۇلكەن كورسەتكىش. ەكىنشى ورىندا اۋەزوۆ اۋدانى كەلەدى - 10442 ادام، مەدەۋ اۋدانى ءۇشىنشى ورىندى الىپ تۇر، مۇندا 9876 ادام قارۋىن زاڭداستىرىپ العان»، - دەدى تولوقۇلوۆ.

پوليتسيا وكىلدەرىنىڭ ايتۋىنشا، 1- جەلتوقسانعا دەيىن قارۋ ۇستايتىنداردىڭ تەك 97 پايىزى عانا سيگنال بەرۋ جۇيەسى بار سەيف ساتىپ العان، بۇل كورسەتكىشكە بوستاندىق اۋدانى دا ەنىپ وتىر. ەسكە سالا كەتەيىك، قارۋى بار ادام ونى ساقتايتىن جەرگە سيگنال بەرۋ جۇيەسىن ورناتپاسا اكىمشىلىك جاۋاپكەرشىلىككە تارتىلادى. جەكە تۇلعالارعا 1852 تەڭگەگە دەيىن، ال زاڭدى تۇلعالارعا 9-13 مىڭ تەڭگە ارالىعىندا ايىپپۇل سالۋ قاراستىرىلعان. پوليتسيا الماتىداعى بوستاندىق اۋدانىن قىلمىس كوپ بولاتىن اۋدان با، جوق پا - ونى حابارلامادى.