بوكستان قازاقستان چەمپيوندارى انىقتالدى
بۇل تۋرالى قازاقستان بوكس فەدەراتسياسىنىڭ باسپا ءسوز قىزمەتىنەن حابارلادى.
قورىتىندى ەسەپ بويىنشا جامبىل وبلىسىنىڭ بوكسشىلارى 3 التىن مەدال ولجالادى. ەكى التىن - استانا قالاسى مەن اقمولا جانە الماتى وبلىسى كوماندالارىنىڭ ەنشىسىندە. وڭتۇستىك قازاقستان وبلىسىنىڭ كومانداسى ءبىر التىنعا قول جەتكىزدى.
49 كەلى سالماق دارەجەسىندە تەمىرتاس ءجۇسىپوۆ (اقمولا وبلىسى) جومارت ەرجاندى (وڭتۇستىك قازاقستان وبلىسى) 3:0 ەسەبىمەن جەڭىپ، ەل چەمپيونى اتاندى. ءۇشىنشى ورىندى شەرحان سۇگىربەك (جامبىل وبلىسى) پەن ماردان بەرىكبايەۆ ءبولىستى (الماتى وبلىسى).
52 كەلى سالماق دارەجەسىندە ولجاس ساتتىبايەۆ (جامبىل وبلىسى) ازامات يساقۇلوۆتى (ماڭعىستاۋ وبلىسى) جەڭىپ، التىننان القا تاقتى. ءۇشىنشى ورىن ازات ماحمەتوۆ (استانا قالاسى) پەن ميراس جاقىپوۆقا (شىعىس قازاقستان وبلىسى) بۇيىردى.
56 كەلى سالماق دارەجەسى بويىنشا اقتىق سىندا نۇرسۇلتان كوشەعۇلوۆ (اقمولا وبلىسى) پەن الماس جاقىپوۆ (جامبىل وبلىسى) كەزدەسكەن بولاتىن. تارتىستى وتكەن بۇل سايىستا جامبىل وبلىسىنىڭ تۋماسى جەڭىسكە جەتتى. ءۇشىنشى ورىندا - جانبولات تىلەگەن ۇلى (الماتى قالاسى) مەن جانبولات قىدىربايەۆ (جامبىل وبلىسى).
60 كەلى سالماقتا زاكير سافيۋللين (وڭتۇستىك قازاقستان وبلىسى) ەرجان ءمۇساپىروۆتى (قاراعاندى وبلىسى) جەڭىپ، چەمپيون اتاندى. ءۇشىنشى ورىندى دارحان جۇمساقبايەۆ (استانا قالاسى) پەن جانىبەك كۇشەنبايەۆ (جامبىل وبلىسى) ءبولىستى.
64 كەلىگە دەيىنگى جارتىلاي ورتا سالماقتا سامات باشەنوۆ (استانا قالاسى) ەل چەمپيونى اتاندى. ول اقتىق سىندا الماسبەك اليبەكوۆتى (وڭتۇستىك قازاقستان وبلىسى) 2:1 ەسەبىمەن جەڭدى. ءۇشىنشى ورىن ماقسات جەكسەنبي (قاراعاندى وبلىسى) مەن عاني جايلاۋوۆقا (جامبىل وبلىسى) بۇيىردى.
69 كەلى سالماقتاعى ساعادات راحمانقۇلوۆ (جامبىل وبلىسى) پەن اسلانبەك شىمبەرگەنوۆتىڭ (جامبىل وبلىسى) سايىسى اسا تارتىستى ءوتتى. تورەشىلەر شەشىمى بويىنشا جەڭىس شىمبەرگەنوۆكە بۇيىردى. ءۇشىنشى ورىنعا ماديار اشكەنوۆ (ماڭعىستاۋ وبلىسى) مەن بەكزات حالمەتوۆ (وڭتۇستىك قازاقستان وبلىسى) جايعاستى.
75 كەلى سالماقتا مەيىرىم نۇرسۇلتانوۆ (استانا) نۇرزات سابىروۆتى (وڭتۇستىك قازاقستان وبلىسى) 3:0 ەسەبىمەن ايقىن باسىمدىقپەن جەڭدى. ءۇشىنشى ورىندا - ساپارباي ايداروۆ (الماتى قالاسى) پەن رۇستەم سۆايەۆ ( قىزىلوردا وبلىسى).
81 كەلىگە دەيىنگى جارتىلاي اۋىر سالماقتا نۇرداۋلەت جارمانوۆ (اقمولا وبلىسى) پەن ارمان رىسبەكتىڭ (الماتى وبلىسى) فينالدىق سايىسى رىسبەكتىڭ جەڭىسىمەن اياقتالدى. ەسەپ 2:1. ءۇشىنشى ورىندا - نۇربول التايەۆ (وڭتۇستىك قازاقستان وبلىسى) پەن ءالي احمەتوۆ (الماتى وبلىسى).
91 كەلىگە دەيىنگى سالماق دارەجەسىندە المات سەرىموۆ (اقمولا وبلىسى) ەل چەمپيونى اتاندى. ەكىنشى ورىن ونىڭ قارسىلاسى اسقار ابدوللايەۆتىڭ (وڭتۇستىك قازاقستان وبلىسى) ەنشىسىندە. اربەك ابدىعانيەۆ (الماتى وبلىسى) پەن مۇحامەدجان ەركىن (وڭتۇستىك قازاقستان وبلىسى) بولسا ءۇشىنشى ورىندى قاناعات تۇتتى.
91 كەلىدەن جوعارى سالماقتا رۇسلان مىرساتايەۆ (الماتى وبلىسى) ەل چەمپيونى اتاندى. ودان سۇرىنگەن نۇرجان بەكزاتوۆ (وڭتۇستىك قازاقستان وبلىسى) ەكىنشى ورىندا، ال قامشىبەك قوڭقابايەۆ ( قىزىلوردا وبلىسى) پەن ەۆەني ەگەمبەرديەۆ (جامبىل وبلىسى) ءۇشىنشى ورىندا.
ايتا كەتەلىك، ەل بىرىنشىلىگىنە استانا مەن الماتى قالالارىنان باسقا 14 وبلىستىڭ كوماندالارى قاتىسقان بولاتىن.
اۆتور: جاپپاربەرگەن ايبوتا
