16:28, 04 - جەلتوقسان 2014 | GMT +5
كەزەكتەن تىس سايلاۋ وتپەك
استانا. قازاقپارات - شۆەتسيا پرەمەر-ءمينيسترى ستەفان لەۆەن پارلامەنتتە كەزەكتەن تىس سايلاۋ وتەتىنى جايلى جاريالادى. ساياسي شارا كەلەسى جىلدىڭ 22- ناۋرىزىنا جوسپارلاندى.
مينيسترلەر كابينەتى باسشىسىنىڭ بۇل قادامىنا پارلامەنتتىڭ ۇكىمەتتەگى سولشىلدار ۇسىنعان بيۋجەتتەن باس تارتۋى سەبەپ بولىپ وتىر. ساراپشىلاردىڭ ايتۋىنشا، شۆەتسيادا ادەتتە بيۋجەت بويىنشا داۋىس بەرۋ - تەك رەسمي شارا. الايدا بۇل جولى داعدارىس وڭشىل دەموكراتيالىق پارتيانىڭ ۇستانىمىنا بايلانىستى بولىپ وتىر.
ولار ۇكىمەتتەن وزگە ەلدەن باس ساۋعالاپ كەلەتىندەرگە قاتىستى ساياساتتى قاتاڭداتۋدى تالاپ ەتىپ، بيۋجەتكە توسقاۋىل قويىپ وتىر. ەلدەگى كوشى-قون قىزمەتىنىڭ مالىمەتىنە قاراعاندا مۇندا كۇن سايىن ەكى مىڭعا جۋىق بوسقىن كەلەدى. ايتا كەتەيىك، شۆەتسيادا كەزەكتەن تىس سايلاۋ سوڭعى جارتى عاسىردا العاش رەت وتپەك.
