بولاشاقتا زاڭگەرلەردى روبوتتار الماستىرۋى مۇمكىن

استانا. قازاقپارات - كوپ ادامداردىڭ زاڭگەرلەرگە جۇگىنەتىنى ءسوزسىز. ولار ءسىزدى سوتتا اقتاپ الۋعا تىرىساتىنى جاقسى، ال تولەنبەگەن نەسيە ءۇشىن ولاردىڭ سىزدەن پاتەردى تارتىپ الاتىنى جامان.

قالاي بولعاندا دا، 15 جىلدان كەيىن ولاردىڭ ءبارى جۇمىسسىز قالۋى مۇمكىن. ولاردىڭ ورنىن روبوتتار باسۋى ىقتيمال، دەلىنگەن بريتاندىق Jomati زاڭگەرلىك فيرماسىنىڭ زەرتتەۋىندە.

ولاردىڭ پىكىرىنشە، ماشينالار تومەنگى توپتاعى زاڭگەرلەردى وڭاي اۋىستىرا الادى. «ەلەستەتىپ كورىڭىز: روبوتتار جالاقىنىڭ كوتەرىلۋىن نەمەسە قىزمەتتە كوتەرىلۋدى تالاپ ەتپەيدى، اۋىرمايدى جانە بالا كۇتۋ دەمالىسىنا، ەڭبەك دەمالىسىنا شىقپايدى. سونىمەن بىرگە ەكى ەلەكتروندى زاڭگەر تۇتاستاي ءبىر زاڭگەرلەر كومانداسىن اۋىستىرا الادى»، - دەگەن سەنىمدە Jomati وكىلدەرى.

كۇردەلى مىندەتتەردى ورىندايتىن الدەقايدا بىلىكتى زاڭگەرلەر ءوز قىزمەتتەرىن ساقتاپ قالادى. «بولاشاقتا بولاتىن زاڭگەرلىك كەڭسەلەردە نەبارى جالاقىعا ەڭبەك ەتەتىن ەكى-ءۇش ادام مەن ءبىر-ەكى روبوت بولادى. ول بيزنەستى الدەقايدا تابىستى ەتە تۇسەدى»، - دەپ اتاپ ءوتتى Jomati ساراپشىلارى.