ايگىلى ءارتىس قىز ساحنادا كورەرمەن جىگىتتەردىڭ بىرىنەن شاپالاق جەدى

استانا. قازاقپارات - جەرگىلىكتى تەلەارنالاردىڭ بىرىندە وتكەن رەاليتي-شوۋ ءتۇسىرىلىمى كەزىندە مۇسىلمان ءارتىس قىزى كورەرمەندەردىڭ بىرىنەن شاپالاق «جەدى». بۇعان بولليۆۋد جۇلدىزىنىڭ شەكتەن تىس اشىق كيىنۋى سەبەپ بولىپ، كورەرمەندەردىڭ نارازىلىعىن تۋدىرعان.

اۋرەتىن اشىپ، شەكتەن شىعىپ كەتكەن «جۇلدىزعا» شاپالاق «سىيلاعان» باعدارلامانىڭ 24 جاسار كورەرمەنى. مۇحاممەد اكلي مالىك ءوزىنىڭ بۇل ارەكەتىن پوليتسيا وكىلدەرىنە اكتريسانىڭ بۇلاي ءجۇرۋى اداميلىققا جات، مۇسىلمان قىز بالاسى ءۇشىن ۇيات نارسە دەپ ءتۇسىندىردى. ال، قىسقا ەتەك كيىپ، «جارقىراپ» شىققان «جۇلدىز» كورەرمەندەرىنەن مۇنداي «توسىن سىي» كۇتپەسە كەرەك.

دەگەنمەن، گاۋحار حان بۇعان دەيىن دە ءارتۇرلى شوۋ-باعدارلامالاردا ءتۇرلى اشىق كيىمدەرمەن، تىپتەن، ءىش كيىمدەرمەن (جاعاجاي كيىمى) دە قاتىسقان ەدى. ال مىنا «توسىن سىي» ونىڭ الداعى شوۋلاردا كيەتىن كيىم گاردەروبىنا وزگەرىستەر اكەلۋى بەك مۇمكىن.

ummet.kz