د. نازاربايەۆا: ءماجىلىس قازاقستاندىق بۇقارالىق اقپارات قۇرالدارىن قولدادى
- داريعا نۇرسۇلتان قىزى، بۇگىندە كەيبىر قازاقستاندىق بۇقارالىق اقپارات قۇرالدارىنىڭ وكىلدەرى فارماتسيەۆتيكالىق پرەپاراتتار جارناماسىنا تىيىم سالۋعا قاتىستى نارازىلىق بىلدىرۋدە؟ بۇل قانشالىقتى نەگىزدى دەپ ويلايسىز؟
- ەلەكتروندىق جانە نەگىزىنەن باسپا ب ا ق- تا مەديتسينالىق قىزمەتتەر مەن دارىلىك زاتتاردى جارنامالاۋعا تىيىم سالۋ ءبىرىنشى كەزەكتە مەديا قىزمەت نارىعىنداعى ولاردىڭ باسەكەگە قابىلەتتىلىگىن تومەندەتەدى.
قازاقستاننىڭ جارناما نارىعىنىڭ قۇرىلىمىندا فارماتسيەۆتيكالىق سەگمەنتتىڭ ۇلەسى 20-22 پايىزدى نەمەسە شامامەن 6,2 ميلليارد تەڭگەنى قۇرايدى. ءارى مۇندا بارلىق كولەم تەلەارناعا تيەسىلى.
وسىلايشا، زاڭناماعا ەنگىزىلگەن وزگەرىستەر ناتيجەسىندە وتاندىق تەليەۆيدەنيە جارنامادان تۇسەتىن تابىسىنىڭ بەستەن ءبىرىن جوعالتادى. بۇل قازاقستاندىق باعدارلامالاردى شىعارۋ، شەتەلدەن تانىمال تەلە ءونىم ساتىپ الۋ كولەمىن قىسقارتادى.
بۇل رەتتە اتالمىش تىيىم قازاقستاندا كورسەتىلەتىن رەسەيلىك ارنالارعا قولدانىلمايدى.
مۇنىڭ ءبارى وتاندىق ارنالاردىڭ تانىمالدىعىنا كەرى اسەرىن تيگىزەدى.
بۇدان باسقا، بۇل وزگەرىستەردىڭ قاجەتى جوق، ءارى قويىلعان ماقساتتارعا قول جەتكىزۋگە مۇمكىندىك بەرمەيدى. دارىگەردىڭ رۇقساتىنسىز شىعارىلاتىن دارىلىك پرەپاراتتاردى جارنامالاۋعا قاتىستى قوسىمشا شەكتەۋ تۇتىنۋشىلاردى ءدارى- دارمەك جايلى اقپارات الۋ قۇقىعىنان ايىرادى. بۇل اتالمىش تاۋارلاردى جارنامالاۋدىڭ جاسىرىن نىساندارى مەن تاسىلدەرىنىڭ دامۋىنا ىقپال ەتەتىن بولادى.
رەتسەپتۋراسى جوق پرەپاراتتاردى جارنامالاۋ تولىقتاي قولجەتىمدى بولىپ تابىلادى، بۇل الەمدىك پراكتيكادا بارىنشا كەڭ قولدانىلادى.
دۇنيەجۇزىلىك دەنساۋلىق ساقتاۋ ۇيىمى «سانالى تۇردە باقىلاناتىن ەم الۋ» ساياساتىن جۇرگىزۋدە، سوعان سايكەس تۇتىنۋشى از- ماز سىرقاتتانعان كەزدە وزدىگىنەن ەم- دوم قابىلداۋعا قاتىستى ناقتى اقپارات الۋعا قۇقىعى بار.
- دەمەك، ءسىز دارىلىك زاتتار مەن مەديتسينالىق قىزمەتتەردى ەركىن جارنامالاۋدىڭ جاقتاستارىن قولدايسىز عوي؟
- ءيا، ارىپتەستەرىمنىڭ كوپشىلىگى مەديتسينالىق قىزمەتتەر مەن دارىلىك زاتتاردىڭ جارناماسىنا تىيىم سالۋدى نەگىزسىز، ورىنسىز دەپ سانايدى.
سوندىقتان ءماجىلىس دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سالىق سالۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنا تۇزەتۋلەر ەنگىزىپ، قابىلداۋعا داۋىس بەردى، بۇل تۇزەتۋدە مەديتسينالىق قىزمەتتەر، اۋرۋدىڭ الدىن الۋ، ەم تاعايىنداۋ، مەديتسينالىق ساۋىقتىرۋ ادىستەرى مەن قۇرالدارىن، دارىلىك زاتتاردى، مەديتسينالىق ماقساتتاعى بۇيىمدار مەن مەديتسينالىق تەحنيكانى جارنامالاۋعا رۇقسات بەرۋ كوزدەلگەن.
زاڭ تاياۋ ۋاقىتتا زاڭدى كۇشىنە ەنەدى.
