ادام ميى جوعالىپ كەتتى
وقۋ ورنى مۇنداي توپتامانى 30 جىلدان بەرى جيناپ كەلە جاتىر ەكەن، دەپ حابارلايدى Daily Telegraph باسىلىمى.
اتالعان مۇشەلەر ۋنيۆەرسيتەتكە جەرگىلىكتى وستين اۋرۋحاناسىنان الدىرىلىپتى. جانە قولدى بولعان ۇلگىلەر جان تانۋ زەرتحاناسىندا ساقتالسا، جەرتولەدە ورنالاسقان قالعان بولىگىنە ەشكىم تيسە قويماعان. ازىرگە كۇدىكتى ستۋدەنتتەردىڭ ءبىرى بولۋى مۇمكىن دەگەن جورامال بار.
جىمقىرىلعان توپتامالاردىڭ اراسىندا اتاقتى تەحاستىق مەرگەن چارلز ۋيتمەننىڭ ميى دا بار. ول 1966 - جىلى وستين ستۋدەنتتەر قالاشىعىندا ۆينتوۆكاسىمەن 14 ادامدى قىرىپ سالعان. وقيعاعا ءبىر كۇن قالعاندا ايەلى مەن بالاسىن ءولتىرىپتى. ءوزى دە پوليتسيا قولىنان قازا تاپتى. الايدا ولەر الدىندا جازىپ قالدىرعان قولجازبا حاتىندا ول ءوزىنىڭ ميىن زەرتتەۋگە وتكىزۋدى ءوتىنىپتى. كەيىن بەلگىلى بولعانداي، مەرگەننىڭ ميىنان جارا تابىلعان ەكەن. قانىشەردىڭ ءىسى مەن ەموتسياسىن باسقارا الماۋىنا سەبەپتىڭ ءبىرى وسى دەلىنگەن دارىگەرلەردىڭ تۇسىنىكتەمەسىندە.
