اقتوبەدە تىكۇشاق ۇشقىشتارىن دايىندايتىن وقۋ ورنى اشىلادى
قازاقستان اۆياتسياسىندا وسى اۋە كەمەسىن تىزگىندەيتىندەر نەكەن- ساياق. بار بولعاننىڭ وزىندە، شەتەلدە وقىپ كەلگەندەر.
بۇل - قازاقستاندا قۇراستىرىلعان تىكۇشاقتىڭ سوڭعى ۇلگىسى. قازاق- فرانسۋز زاۋىتىنىڭ 25- اۋە كەمەسى بىرنەشە مىندەتتى ءبىر مەزەتتە ورىنداي الادى. ە س 145 تىكۇشاعى اۋەدە ءوزىن سۋدا جۇزگەن بالىقتاي سەزىنەدى. ال سوڭعى مودەلىنىڭ باستى ارتىقشىلىعى، ۇشقىش جانار- جاعارماي قورىن تىزگىندە وتىرىپ- اق كورە الادى. بۇل اۋە كەمەسى كەمىندە 700 شاقىرىم جەردى توقتاۋسىز ۇشىپ وتەدى. ۆيكتوراس ماتيۋشيناس ءومىرىنىڭ 14 مىڭ ساعاتىن اۋەدە وتكىزگەن. 40 -جىلدىق ەڭبەك ءوتىلى بار ۇشقىش سوڭعى تىكۇشاققا الاڭسىز وتىرۋعا بولادى.
ۆيكتوراس ماتيۋشيناس، زاۋىتتىڭ اعا ۇشقىشى:
- مەن كوپتەگەن تىكۇشاقتاردا ۇشىپ كوردىم. ءبىراق قازاقستاندا قۇراستىرىلعان اۋە كەمەلەرى بىردە- ءبىر رەت سىر بەرگەن ەمەس. ونىڭ قاۋىپسىزدىگىنە 100 پايىز كەپىل بەرە الامىن.
الايدا مايتالمان ماقتاعان اۋە كەمەلەرىن تىزگىندەيمىن دەيتىندەر از. قولدا بار ۇشقىشتار كوككە كوتەرىلۋدى شەت ەلگە بارىپ ۇيرەنۋگە ءماجبۇر.
سەرىك قاپاروۆ، ق ر ءىشكى ىستەر مينيستىرلىگى «قاز اۆيا قۇتقارۋ» ا ق باس ديرەكتورى:
- قازىرگى كەزدە قازاق ازاماتتىق اۆياتسيا اكادەمياسى تەك ۇشقىشتاردى ۇشقىشقا دايىندايدى. ارينە ول ەكى بولەك. ەكى ءتۇرلى ۇشۋدىڭ ءتۇرى بار. سوندىقتان تىكۇشاققا ادەيى ازامات دايىندايتىن وقۋ ورنى جوق.
ۇشقىشتار از بولعانىمەن، تىكۇشاق ءوندىرىسى توقتاماق ەمەس.
«ەۆروكوپتەر قازاقستان ينجينيرينگ» سەرىكتەستىگى الداعى 5 جىلدا 200 اۋە كەمەسىن قۇراستىرىپ شىعارۋدى مەجەلەپ وتىر. ولار كادر تاپشىلىعىن شەشۋ جولىن دا ۇسىنىپ وتىر.
تريستان سيرەتتا، «ەۆروكوپتەر قازاقستان ينجينيرينگ» ج ش س باس ديرەكتورى:
- اقتوبە قالاسىندا ۇشقىشتار مەن تەحنيكتەردى دايارلايتىن وقۋ ورنىن اشۋعا بولادى. بۇل رەتتە مەملەكەتتەن قولداۋ سۇرايمىز. ءبىلىم ورداسىنىڭ ماتەريالدىق- تەحنيكالىق بازاسىن ءوز موينىمىزعا الامىز.
ال 25- تىكۇشاق ءوزىنىڭ ۇشۋىن كۇتىپ تۇر. ۇشقىشتار سۋ جاڭا اۋە كەمەسىن وسى جۇما كۇنى تىزگىندەپ كورمەك.
www.24.kz
