ا ق ش اۋماعىندا تەررورلىق ارەكەت بولۋى مۇمكىن
ABC News تەلەارناسىنىڭ جۋرناليستەرىنە بەلگىلى بولعانداي، ەلدەگى بارلاۋ قىزمەتى قۇقىق قورعاۋ ورگاندارىنا ارناپ «يسلام مەملەكەتىنىڭ» تىڭشىلارى تاراپىنان قانداي دا ءبىر تەررورلىق ارەكەتتىڭ بولۋ ىقتيمالدىعى جايىندا بيۋللەتەندەر تاراتا باستاعان.
وندا اسكەري فورما كيگەندەرگە الەۋمەتتىك جەلىدەگى بارلىق مالىمەتتەرىن ءوشىرۋ قاجەتتىگى جونىندە ەسكەرتىلەدى. ويتكەنى عالامتورداعى كەز-كەلگەن اقپارات ەكسترەميستەردىڭ نازارىن اۋدارۋى مۇمكىن.
ا ق ش قورعانىس مينيسترلىگى دە قارۋلى كۇشتەرگە وسى تەكتەس ەسكەرتۋدىڭ جاسالعاندىعى جونىندە حابارلادى. جالپى مۇنداي الدىن الا قورعانۋ شاراسى وتكەن ايدا «يسلام مەملەكەتى» جاقتاستارىنىڭ كانادادا جاساعان تەررورلىق ارەكەتىنەن كەيىن قولعا الىنىپ وتىر. ول وقيعادان ەكى كانادالىق اسكەري قىزمەتكەر قازا تاپقانى بەلگىلى.
اۆتورى: جىگەر سارسەن
