قىستا يممۋنيتەتىڭىزدى نىعايتقىڭىز كەلسە

استانا .قازاقپارات - ءار ادام قىستا، ماۋسىم اۋىسقان كەزدە يممۋنيتەتىن نىعايتۋعا تىرىسادى. مۇندايدا تابلەتكا دارۋمەندەردىڭ كومەگى بولمايتىنى انىق. ءتىپتى، كەرى اسەرى ءتيۋى مۇمكىن.

سوندىقتان حالىق ەمىن پايدالانۋدىڭ ماڭىزى زور. تومەندەگى سۋىق مەزگىلدە يممۋنيتەتتى نىعايتۋعا كومەكتەسەتىن رەتسەپتىلەر بالالار مەن ۇلكەندەرگە دە جارايدى.

1. ەت تۋراعىشتان ½ ستاقان مەيىز، 1 ستاقان گرەك جاڭعاق، 0,5 ستاقان بادام، 2 ليموننىڭ قابىعىن وتكىزەمىز. ليموننىڭ شىرىنىن ەت تۋراعىشتان وتكەن قوسپاعا سىعامىز. 150 گ بال، 0,5 ستاقان سارى ورىك جانە سول كولەمدە قارا ورىك قوسامىز. 1-2 كۇن قاراڭعى جەرگە قويامىز. دايىن بولعان قوسپانى توڭازىتقىشتا ساقتايمىز. ەرەسەكتەر كۇنىنە 3 رەت 1-2 اس قاسىقتان، بالالار كۇنىنە 2 رەت 1 اس قاسىقتان جەسە جەتكىلىكتى.

2. كەلەسى قوسپانى دايىنداۋ ءۇشىن 200 گ سارى ورىك، 200 گ قارا ورىك، 200 گ ءىنجىر، 200 گ گرەك جاڭعاعى، 200 گ مەيىز، 200 گ بال، 1 ليمون، 50 مل كونياك قاجەت. بارلىعىن بال مەن كونياكقا ارالاستىرامىز. ارتىنشا توڭازىتقىشقا قويىپ، تاماق الدىندا 1 ساعات بۇرىن 1 اس قاسىقتان جەيمىز.

ەسكەرتۋ! قۇرامىنا كونياك قوسىلعاندىقتان، بالالارعا جەۋگە بولمايدى.

بۇلاردىڭ بارلىعى دا يممۋنيتەتتى نىعايتۋعا كومەكتەسەدى. ونىڭ كومەگىمەن قىستىق اۋرۋلاردى ۇمىتۋعا بولادى. دەنساۋلىقتارىڭىز مىقتى بولسىن!

massaget.kz