قىرعىزستاننىڭ ەكونوميكا ءمينيسترى: قازاقستان - ءومىر ءسۇرۋ دەڭگەيى جوعارى ورنىقتى مەملەكەت

بىشكەك. قازاقپارات - قازاقستان - ءومىر ءسۇرۋ دەڭگەيى جوعارى، تاۋەلسىز، مىقتى مەملەكەت، دەدى قىرعىزستان رەسپۋبليكاسىنىڭ ەكونوميكا ءمينيسترى تەمىر ساريەۆ قىرعىزستان رەسپۋبليكاسىنداعى قازاقستان ەلشىلىگىندە وتكەن تۇڭعىش پرەزيدەنت كۇنىنە ارنالعان سالتاناتتى قابىلداۋ كەزىندە.

ونىڭ ايتۋىنشا، 1991- جىلدان باستاپ بۇرىنعى ك س ر و رەسپۋبليكالارى ءۇشىن جاڭا ءداۋىر باستالدى، بۇل وزگەرىستەردى ءار ەل وزىنشە ەڭسەردى.

«قازاقستان - ءومىر ءسۇرۋ دەڭگەيى جوعارى تاۋەلسىز، مىقتى مەملەكەت. ەلدە اسا ورنىقتى ءوسىم ۇدەرىسى بار. قازاقستاندا اتالىپ وتەتىن تۇڭعىش پرەزيدەنت كۇنى دە مەملەكەت تۇراقتىلىعىنىڭ نىشانى ىسپەتتەس. ەل بۇل كۇندى جالپى حالىقتىق اۋقىمدا، مەملەكەتتىك دەڭگەيدە اتاپ وتەدى. قازاقستان ەۋرازيالىق ەكونوميكالىق وداق قۇرۋ، ەكونوميكالاردى بىرىكتىرۋ جاڭا مۇمكىندىكتەر كوزى ەكەنىن تاني ءبىلدى. قىرعىزستان دا تاياۋ ۋاقىتتا ەاەو مۇشەسى اتانباق»، - دەيدى مينيستر.

ول قازاقستان پەرزيدەنتىنىڭ ەۋرازيالىق ينتەگراتسيالىق بىرلەستىك قۇرۋداعى تاريحي باستاماسىنا توقتالىپ ءوتتى.

«نۇرسۇلتان ءابىش ۇلى - اسا جوعارى قۇرمەتكە لايىقتى تۇلعا. باۋىرلاس قازاقستان حالقىن تۇراقتىلىقتىڭ كەپىلى - كەلە جاتقان تاۋەلسىزدىك كۇنىمەن شىن جۇرەكتەن قۇتتىقتايمىن»، - دەپ اتاپ ءوتتى ت. ساريەۆ.

مينيستر شىعىستا ورىن العان جاعدايلاردان كەيىن قازاقستاننىڭ تۇراقتىلىعى، ازاماتتارىن قورعاي الاتىن بەرىك بيلىگى اسا ماڭىزدى قۇندىلىق ەكەندىگىن باسا ايتتى.