يران حاكەرلەرى قىتايلىق جانە رەسەيلىك حاكەرلەردەن اسىپ ءتۇستى
كيبەر شابۋىلدار ەكى جىلدان بەرى جالعاسىپ كەلەدى. مامانداردىڭ پىكىرىنشە، بۇل يران ۇكىمەتىنىڭ قولداۋىمەن جاسالىپ جۇرگەن ارەكەت. ولاردىڭ ماقساتى - باتىس ەلدەرىنىڭ يراننىڭ يادرولىق باعدارلاماسىن تەجەۋگە باعىتتالعان حاكەرلىك شابۋىلدارىنا جاۋاپ بەرۋى.
ستيۋارت ماككلۋر، Sailans كومپانياسىنىڭ پرەزيدەنتى: - قاۋىپسىزدىك سالاسىندا جۇمىس اتقاراتىن مىنا ءبىزدى، يراندىق حاكەرلەردىڭ مۇمكىنشىلىكتەرى تاڭ قالدىردى. ولار الەمدىك ءىرى كومپانيالاردىڭ كەز-كەلگەن دەڭگەيىندەگى قۇپيا قۇجاتتارىنا باس سۇعا ءبىلدى. بۇلار قىتايلىق نەمەسە رەسەي حاكەرلەرىنەن اسىپ تۇسپەسە، كەم ەمەس. رەسمي تەگەراننىڭ مالىمدەۋىنشە، بۇل تەك سىرتتاي ايىپتاۋ. ال وسى دەرەكتەر تۇسكەن ا ق ش-تىڭ فەدەرالدىق تەرگەۋ بيۋروسى ءتىس جارمايدى. ايتا كەتەيىك، رەسەيلىك جانە قىتايلىق حاكەرلەر ءتۇرلى ۇكىمەتتىك جانە كورپوراتسيالىق نىساندارعا كيبەر شابۋىلدار جاساپ ءجۇر دەگەن دە كۇدىك بار.
