بۇگىن تارازدا بوكستان ق ر چەمپيوناتىنىڭ فينالى وتەدى
جاقىندا جارتىلاي فينالدىق جارىستار ءوتىپ، سونىڭ قورىتىندىلارى بويىنشا اقتىق سايىسقا وڭتۇستىك قازاقستان وبلىسىنان التى سپورتشى، اقمولا جانە جامبىل وبلىستارىنان - ءتورت سپورتشىدان، ماڭعىستاۋ جانە قاراعاندى وبلىستارىنان - ءبىر سپورتشىدان، الماتى وبلىسى مەن استانادان - ءبىر سپورتشىدان شىقتى.
49 كەلى سالماقتا شارشى الاڭدا جومارت ەرجانوۆ (و ق و) پەن تەمىرتاس ءجۇسىپوۆ (اقمولا وبلىسى)، 52 كەلى سالماقتا - جامبىلدىق ولجاس ساتتىبايەۆ پەن ماڭعىستاۋلىق ازامات يساقۇلوۆ، 56 كەلى سالماقتا - نۇرسۇلتان كوشەعۇلوۆ (اقمولا وبلىسى) پەن الماس جاقىپوۆ (جامبىل وبلىسى)، 60 كەلى سالماقتا - ەرجان مۇسافيروۆ (قاراعاندى وبلىسى) پەن زاكير سافيۋللين (و ق و)، 64 كەلى سالماقتا - الماسبەك الىبەكوۆ (و ق و) پەن سامات باشەنوۆ (استانا) كەزدەسەدى.
69 كەلى سالماقتا ەكى جامبىلدىق سپورتشى - ساعادات راحمانقۇلوۆ پەن اسلانبەك شىمبەرگەنوۆ ايقاسادى.
75 كەلى سالماقتا - مەيىرىم نۇرسۇلتانوۆ (استانا) پەن نۇرزات سوبيروۆ (و ق و) كەزدەسەدى.
81 كەلى سالماقتا نۇرداۋلەت جارمانوۆ (اقمولا وبلىسى) پەن ارمان رىسبەك (الماتى وبلىسى) كۇش سىناسادى.
91 كەلى سالماقتا اسقار ابدوللايەۆ (و ق و) پەن المات سەرىموۆ (اقمولا وبلىسى) كەزدەسەدى.
91+ كەلى سۋپەراۋىر سالماقتا فينالعا نۇرجان بەكزاتوۆ (و ق و) پەن رۋسلان مىرساتايەۆ شىعادى.
ەستەرىڭىزگە سالا كەتەيىك، تارازدا 26- قاراشا مەن 5- جەلتوقسان ارالىعىندا بوكستان ەرەسەكتەر اراسىندا ون سالماق دارەجەسى بويىنشا باستى ىشكى ستارتتىڭ جەڭىمپازدارى مەن جۇلدەگەرلەرى اتاعى ءۇشىن قازاقستان چەمپيوناتى وتۋدە. رەسپۋبليكا بىرىنشىلىگىنە 14 وبلىس پەن استانا جانە الماتى كوماندالارى، جالپى سانى 200 دەن استام بوكسشى قاتىسادى. بىرىنشىلىكتىڭ نەگىزگى ماقساتى - ۇلتتىق قۇراماعا بوكسشىلاردى ىرىكتەۋ.
قازاقستان چەمپيوناتىن بوكستان جاقسى داستۇرلەرى بار جامبىل وبلىسىندا وتكىزۋ ايماقتاعى وسى سپورت ءتۇرىنىڭ دامۋىنا قوسىمشا تۇرتكى بولادى. قازاقستان بوكس فەدەراتسياسىنىڭ مالىمەتتەرى بويىنشا، رەسپۋبليكادا بۇل سپورت تۇرىمەن اينالىساتىن 30 مىڭعا جۋىق ادام بار.
