ماڭعىستاۋ وبلىسى مەملەكەتتىك قىزمەت ىستەرى دەپارتامەنتىنىڭ ەكس-باسشىسى سوت الدىنا كەلەدى
«اقتاۋ قالالىق سوتىنا وسپانوۆتى ق ر ق ك 311-بابىنىڭ 4-بولىگىنىڭ «گ» تارماعىندا قاراستىرىلعان (بىرنەشە مارتە پارا الۋ) قىلمىستى جاساۋعا ايىپتاۋ جونىندەگى جانە ق ر ق ك 313-بابىنىڭ 1-بولىگى بويىنشا (پارا الۋعا دەلدال بولۋ) ايىپتالعان ىحسانوۆا مەن قۇرازوۆانىڭ ىستەرى ءتۇستى»، - دەلىنگەن سايتتا.
تەرگەۋدىڭ مالىمەتىنشە، ەركىن وسپانوۆ ق ر مەملەكەتتىك قىزمەت ىستەرى اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ جەتەكشىسى بولا تۇرا مەملەكەتتىك قىزمەتكە ۇمىتكەرلەر تەستىندە وڭ ناتيجەگە جەتكىزۋ ءۇشىن ولاردان بىرنەشە رەت اقشالاي سىياقى العان. ىحسانوۆا مەن قۇرازوۆا - وسپانوۆتىڭ ورىنباسارلارى. نەگىزگى سوت وتىرىسى 2014-جىلدىڭ 11- جەلتوقسانىنا جوسپارلانعان.
ايتا كەتەيىك، بۇعان دەيىن Tengrinews.kz ماڭعىستاۋ وبلىسى تارتىپتىك كەڭەسى قىزمەتكەرلەرىنە قارسى سەگىز قىلمىستىق ءىس قوزعالعانىن حابارلاعان ەدى.
