ە ا ە و دوللار مەن ەۋرونى قولدانۋدان باس تارتپايدى
«ەۋرازيالىق ەكونوميكالىق وداق اۋماعىندا» دوللار، ەۋرومەن ەلارالىق وپەراتسياعا تىيىم سالىنادى دەگەن مالىمدەمە شىندىققا جاناسپايدى»، - دەپ حابارلادى ە ە ك.
رەزەرۆتىك ۆاليۋتامەن ەسەپ ايىرىسۋعا تىيىم سالىنۋ ىقتيمالدىعى جايلى حابارلامانى سەيسەنبى كۇنى «يزۆەستيا» گازەتى جاريالاعان.
«ۇلتتىق ۆاليۋتامەن (رۋبل، بەلورۋس ءرۋبلى، تەڭگە، درام) ەسەپ ايىرىسۋعا تەك 2025-2030-جىلدارى كوشۋى مۇمكىن»، - دەپ حابارلادى «يزۆەستيا» ۇلتتىق تولەم كەڭەسىنىڭ باسشىسى الەكساندر مۋرىچيەۆقا سىلتەمە جاساي وتىرىپ.
ە ا ە و تۋرالى شارتتا مۇنداي نورما كوزدەلمەگەن، دەلىنگەن ە ە ك حابارلاماسىندا.
ە ا ە و ەلدەرىنىڭ ازاماتتارى ەگەر ۇلتتىق تولەم كارتالارىنىڭ جۇيەسى ءوزارا ءىس-قيمىلدى رەتتەسە، ۇلتتىق ۆاليۋتادا ەسەپ ايىرىسۋ مۇمكىندىگىن الادى.
ول كەلىسىلگەن ۆاليۋتالىق ساياساتتى قامتاماسىز ەتۋ شارالارىن، ونىڭ ىشىندە مۇشە مەملەكەتتەر اراسىندا ۇلتتىق ۆاليۋتامەن ءوزارا ەسەپ ايىرىسۋدى كوزدەيدى.
تولەم جۇيەلەرىنىڭ ءوزارا ارەكەتىنىڭ قاعيداتتارىن تالقىلاۋ ەندى قولعا الىنا باستادى، ە ا ە و ەلدەرى تەك ۇلتتىق ۆاليۋتانى قولدانۋعا كوشەدى دەگەن اڭگىمە ازىرگە بولعان جوق، دەدى ە ە ك-تەن.
ەۋرازيالىق ەكونوميكالىق وداق 2014-جىلعى 29- مامىردا قۇرىلدى، قۇرامىندا بەلارۋس، قازاقستان، رەسەي بار. 10- قازاندا ارمەنيا قوسىلدى. 2015-جىلعى 1- قاڭتاردان باستاپ، قىرعىزستان قوسىلماق.
