تىرشىلىكتىڭ پايدا بولۋى مەن كۇن جۇيەسى زەرتتەلەدى

استانا. قازاقپارات - جاپونيا عارىشقا ارنايى زوند ۇشىردى. اۋە شارى تىرشىلىكتىڭ پايدا بولۋى سەبەبى مەن كۇن جۇيەسىن زەرتتەمەك.

ال ناسا مارسقا ادامدار جىبەرەتىنىن رەسمي مالىمدەدى. جاپونيا استەرويدقا «حايابۋسا-2» زوندىن جىبەردى. بۇل ميسسيانىڭ ماقساتى -  تىرشىلىكتىڭ پايدا بولۋى مەن كۇن جۇيەسىن زەرتتەۋ.

عارىش قۇرالى مارس پەن يۋپيتەر اراسىندا اينالىپ جۇرەتىن، جەردەن 300 ميلليون شاقىرىمدا ورنالاسقان اسپان دەنەسىنە 2018 - جىلى جەتىپ، 2020 - جىلى قايتىپ كەلۋى ءتيىس. استەرويدتىڭ كولەمى بار بولعانى -  900 مەتر. ۇشىرىلعان قۇرالدىڭ وعان ءدوپ ءتۇسۋى قيىندىق تۋدىراتىندىقتان، اپپارات 6 جىلدىڭ ىشىندە 5 ميللياردتان استام شاقىرىم عارىش جولىن ءجۇرىپ ءوتۋى ءتيىس.

اكيتاكا كيشي، عالامشاردى زەرتتەۋ باعدارلاماسى باسشىسىنىڭ ورىنباسارى:

- ءبىزدىڭ ماقساتىمىز -  زەرتتەۋ جۇرگىزۋ. عارىشتا جۇمىس ىستەيتىن ادامدار ءۇشىن ءارتۇرلى تەحنولوگيالار اۋاداي قاجەت. قۇم مەن قىرتىس اكەلىنسە، بۇل ۇلكەن ولجا بولار ەدى. بۇل ادامزات ءۇشىن تىڭ جاڭالىق بولادى.

ناسا-نىڭ مارسقا ادام جىبەرۋ ميسسياسى 2030 - جىلعا قاراي جۇزەگە اسۋى كەرەك. ال ەرتەڭ، ياعني 4 جەلتوقساندا تاريحتا تۇڭعىش رەت ادامسىز باسقارىلاتىن «وريون» عارىش كەمەسى ۇشىرىلادى. بۇل كاپسۋلانى جىبەرۋدەگى ماقسات -  مارسقا ادام اتتاندىرماستان بۇرىن، عارىش كەمەسىن سىناقتان وتكىزۋ.

مايكل بولگەر، كەننەدي عارىش ورتالىعى ديرەكتورىنىڭ ورىنباسارى:

- ءبىز وسى اپتادا «بارلاۋ- ۇشۋدىڭ ءبىرىنشى سىناعىن» باستايتىنىمىزعا شىن جۇرەكتەن قۋانىشتىمىز. بۇل عارىشكەرلەردى مارسقا جەتكىزۋدەگى ۇلكەن قادام بولعالى تۇر.

جوسپار بويىنشا، كاپسۋلا 4 جارىم ساعاتتىڭ ىشىندە جەردى ەكى رەت اينالىپ، تىنىق مۇحيتىنا سىنالاتىن جۇكتى تاستايدى. بۇل تاجىريبە مودۋلدىڭ ماڭىزدى تەتىكتەرىن تەكسەرۋ ءۇشىن قاجەت. ادام دەنەسىنىڭ عارىشتا جانە مارستاعى رادياتسيا دەڭگەيىندە ۇزاق بولعان كەزدەگى جاعدايىن تولىق زەرتتەپ العان سوڭ، ناسا قىزىل عالامشارعا» ارنايى ەكيپاجىن اتتاندىرادى.

24.kz