قازىرگى ۋاقىتتا تۇرعىن ءۇي كومەگىنە قالاي قول جەتكىزۋگە بولادى؟
اتالمىش قاۋلىعا سايكەس كەزەككە تومەندەگىدەي حالىقتىڭ الەۋمەتتىك جاعىنان وسال توپتارى تۇرا الادى:
1) ۇلى وتان سوعىسىنىڭ مۇگەدەكتەرى مەن قاتىسۋشىلارى؛
2) ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدار؛
3) 1 جانە 2 -توپتاعى مۇگەدەكتەر؛
4) مۇگەدەك بالالارى بار نەمەسە ولاردى تاربيەلەپ وتىرعان وتباسىلار؛
5) قازاقستان رەسپۋبليكاسىنىڭ ۇكىمەتى بەكىتەتىن اۋرۋلار تىزىمىندە اتالعان كەيبىر سوزىلمالى اۋرۋلاردىڭ اۋىر تۇرلەرىمەن اۋىراتىن ادامدار؛
6) جاسىنا بايلانىستى زەينەتكەرلەر؛
7) كامەلەتكە تولعانعا دەيىن اتا-انالارىنان ايىرىلعان جيىرما توعىز جاسقا تولماعان جەتىم بالالار مەن اتا- اناسىنىڭ قامقورلىعىنسىز قالعان بالالار جاتادى. مۇنداي ادامداردىڭ جاسى اسكەري قىزمەتكە شاقىرىلعان كەزدە مەرزىمدى اسكەري قىزمەتتەن ءوتۋ مەرزىمىنە ۇزارتىلادى؛
8) ورالماندار؛
9) ەكولوگيالىق ءزىلزالالار، تابيعي جانە تەحنوگەندى سيپاتتاعى توتەنشە جاعدايلار سالدارىنان تۇرعىن ۇيىنەن ايىرىلعان ادامدار؛
10) كوپ بالالى وتباسىلار؛
11) مەملەكەتتىك نەمەسە قوعامدىق مىندەتتەرىن، اسكەري قىزمەتىن ورىنداۋ كەزىندە، عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە، ادام ءومىرىن قۇتقارۋ كەزىندە، قۇقىق ءتارتىبىن قورعاۋ كەزىندە قازا تاپقان (قايتىس بولعان) ادامداردىڭ وتباسىلارى؛
12) تولىق ەمەس وتباسىلار جاتادى.
ول ءۇشىن:
1) ەسەپكە قويۋ تۋرالى ءوتىنىش؛
2) كورسەتىلەتىن قىزمەتتى الۋشىنىڭ جەكە باسىن كۋالاندىراتىن قۇجات نەمەسە پاسپورت (كورسەتىلەتىن قىزمەتتى الۋشىنىڭ جەكە باسىن سايكەستەندىرۋ ءۇشىن ءتۇپنۇسقاسى ۇسىنىلادى)؛
3) نەكەگە تۇرۋ (بۇزۋ) (2008 - جىلعى 1 - ماۋسىمعا دەيىن) ، وتباسى مۇشەلەرىنىڭ قايتىس بولۋى (2007 - جىلعى 13 - تامىزعا دەيىن)، بالالاردىڭ تۋۋى تۋرالى كۋالىكتەردىڭ (2007 -جىلعى 13 - تامىزعا دەيىن) كوشىرمەلەرى؛
4) حالىقتىڭ الەۋمەتتىك جاعىنان وسال توپتارىنا جاتاتىن ازاماتتار (جەتىم بالالاردى، اتا-اناسىنىڭ قامقورلىعىنسىز قالعان بالالاردى جانە مۇگەدەك بالالاردى قوسپاعاندا) ءوتىنىش جاساۋدىڭ الدىندا سوڭعى ون ەكى اي ىشىندە وتباسىنىڭ ءاربىر مۇشەسىنە شاققانداعى تابىسى تۋرالى انىقتامانى قوسىمشا ۇسىنادى؛
5) مەملەكەتتىك قىزمەتشىلەر، بيۋدجەتتىك ۇيىمداردىڭ قىزمەتكەرلەرى، اسكەري قىزمەتشىلەر، ارناۋلى مەملەكەتتىك ورگانداردىڭ قىزمەتكەرلەرى جانە مەملەكەتتىك سايلانبالى قىزمەت اتقاراتىن ادامدار جۇمىس ورنىنان (قىزمەتتەن) انىقتامانى قوسىمشا ۇسىنادى. عارىشكەرلىككە كانديداتتار، عارىشكەرلەر قازاقستان رەسپۋبليكاسىنىڭ ۇكىمەتى بەرگەن، ولاردىڭ مارتەبەسىن راستايتىن قۇجاتتاردى ۇسىنادى؛
6) جالعىز تۇرعىن ءۇيى اۆاريالىق جاعدايدا دەپ تانىلعان ازاماتتار جەرگىلىكتى اتقارۋشى ورگاننىڭ ءتيىستى انىقتاماسىن ۇسىنادى؛
7) وتباسى تۇراتىن تۇرعىن ءۇي بەلگىلەنگەن سانيتاريالىق جانە تەحنيكالىق تالاپتارعا ساي كەلمەگەن نەمەسە جاپسارلاس، وقشاۋلانباعان تۇرعىن ءۇي-جايلاردا ەكى جانە ودان دا كوپ وتباسى تۇرىپ جاتقان نەمەسە وتباسى قۇرامىندا كەيبىر سوزىلمالى اۋرۋلاردىڭ اۋىر تۇرلەرىمەن اۋىراتىن ناۋقاستار بولىپ، ءبىر ءۇي-جايدا (پاتەردە) ولارمەن بىرگە تۇرۋ مۇمكىن بولماعان جاعدايدا ءوتىنىش بەرۋشىلەر ءتيىستى ۋاكىلەتتى ورگاننىڭ انىقتاماسىن قوسىمشا ۇسىنادى.
مەملەكەتتىك قىزمەتتى كورسەتۋ تەگىن. مەملەكەتتىك قىزمەتتەر كورسەتۋ ماسەلەلەرى جونىندەگى سۇراقتارعا جاۋاپتى ءبىرىڭعاي بايلانىس ورتالىعى 1414 نومىرىنە قوڭىراۋ شالۋ ارقىلى الا الادى.
blogtime.kz
