17:43, 03 - جەلتوقسان 2014 | GMT +6
البانيالىق مۇسىلمانداردىڭ ارماندارى ورىندالادى
استانا. قازاقپارات - البانيا مۇسىلماندارى ەل استاناسىندا ورتالىق مەشىتتىڭ سالىنۋىن سوناۋ 90- جىلداردان بەرى كۇتىپ كەلەدى. ارمانعا اينالعان ورتالىق مەشىتتىڭ اقىر سوڭىندا سالىناتىنى بەلگىلى بولدى.
البان مۇسىلماندارىنىڭ كوشباسشىسى سكەندەر برۋكادج ەلدەگى ەڭ ءىرى مەشىتتىڭ قۇرىلىسىنا قاتىستى بارلىق بوگەتتەردىڭ جويىلعانىن مالىمدەدى.
البانيا پرەمەر- ءمينيسترى ەدي راما مەشىت قۇرىلىسىنا رەسمي تۇردە رۇقسات بەردى. ايتا كەتەيىك، تيراناداعى البانيا پارلامەنتى عيماراتىنا جاقىن جەردە جەردە مەشىت ىرگەتاسى وتكەن عاسىردىڭ 90 - جىلدارى قۇيىلىپ قويعان بولاتىن. قۇلشىلىق ورداسىنىڭ سودان بەرى بوي كوتەرۋىنە ءتۇرلى ماسەلەلەر كەدەرگى كەلتىرىپ كەلگەن ەدى.
ال، وتكەن جىلى ەلدەگى كاتوليكتىك جانە پراۆوسلاۆتىق شىركەۋلەر وزدەرىنىڭ ءىرى عيماراتتارىن تۇرعىزىپ ۇلگەرگەن. قازىرگى ۋاقىتتا البانيا تۇرعىندارىنىڭ 57 پايىزى يسلام دىنىندە.
