15:56, 03 - جەلتوقسان 2014 | GMT +6
شىمكەنتتە ەڭ ۇزدىك ازانشى انىقتالدى
شىمكەنت. قازاقپارات - شىمكەنتتە ەڭ ۇزدىك ازانشى انىقتالدى. وبلىستىق مەشىتتىڭ ۇيىمداستىرعان ەرەكشە بايقاۋىنا 52 ازانشى قاتىستى. قاتىسۋشىلار وبلىستىڭ ءار تۇكپىرىنەن جينالدى.
ولار ازاننىڭ ءار دىبىسىن ساۋاتتى ورىنداۋى، داۋىسى اۋەزدى بولۋى جانە ازان تاريحىن ءبىلۋى ءتيىس.
و ق و يمامى، ونىڭ ورىنباسارى، شىمكەنت يمامى جەڭىمپازداردى انىقتادى. ءۇشىنشى ورىندى شىمكەنتتىك «يساميددين بابا» مەشىتىنىڭ ازانشىسى تالعات بەيسەكوۆ يەلەندى. ەكىنشى ورىن سايرام اۋدانى قاراسۋ اۋىلىنداعى «يساميددين بابا» مەشىتىنىڭ ازانشىسى قامال شونتىقوۆقا بۇيىردى. ەڭ ۇزدىك ازانشى تۇركىستان قالاسىنداعى «حيلۋەت» مەشىتىنىڭ ازانشىسى جۇسىپبەك قاسىمبەكوۆ اتاندى.
