جاستاردىڭ جۇمىسقا ورنالاسۋى جەڭىلدەيدى

استانا. قازاقپارات - ەلىمىزدە جاس مامانداردىڭ جۇمىسقا ورنالاسۋى جەڭىلدەيتىن بولدى.

بۇدان بىلاي كەزكەلگەن وقۋ ورنىن بىتىرگەن تۇلەك ءوز ماماندىعى بويىنشا ءبىر جىلدان كەشىكپەي جۇمىسقا تۇرسا، وعان سىناق مەرزىمى بەكىتىلمەيدى.

ال جاس مامان مەن جۇمىس بەرۋشى اراسىنداعى ەڭبەك شارتى ەكى جىلدان كەم بولماۋى ءتيىس. ەڭبەك كودەكسىنە ەنگىزىلگەن وسىنداي وزگەرتۋلەردى بۇگىن ق ر پارلامەنتى ءماجىلىسىنىڭ دەپۋتاتتارى ءبىرىنشى وقىلىمدا ماقۇلدادى.

ايتا كەتەيىك، بۇل تالاپتار ارنايى ءبىلىمى جوق 18 جاسقا تولماعان جاستارعا، سونىمەن بىرگە تەحنيكالىق جانە كاسىبي ءبىلىم العان ماماندارعا دا تيەسىلى. ق ر ءبىلىم جانە عىلىم ءمينيسترى اسلان ءسارىنجىپوۆتىڭ ايتۋىنشا، ەلىمىزدە اتا-اناسىنىڭ رۇقساتىمەن 14 جاستان باستاپ جۇمىس ىستەۋگە بولادى.

سوندىقتان جاڭا زاڭناما جاستاردىڭ ەڭبەك قۇقىعىن قورعاۋعا سەپتىگىن تيگىزەدى دەپ وتىر. اسلان ءسارىنجىپوۆ، ق ر ءبىلىم جانە عىلىم ءمينيسترى:

- بيىلعى جىلى جۇمىسسىزدىق دەڭگەيى -  %5,5 عانا.

مىسالى، 2009 - جىلى جۇمىسسىزدىق %8,5 بولاتىن. ال 2000 - جىلدى الساق، % 15-16 ەدى. وسى زاڭدا ق ر الەۋمەتتىك دامۋ جانە دەنساۋلىق ساقتاۋ مينيسترلىگىنىڭ قۇزىرەتتىلىگى بەكىتىلدى. وسى زاڭعا سۇيەنە وتىرىپ، ءوزىنىڭ ستارتەگيالىق جوسپارلارىنا جاستاردى جۇمىسپەن قامتۋ ماسەلەسىن ەنگىزەتىن بولادى.

24.kz