استانادا «قازاقپارات» موڭعوليانىڭ «مونتسامە» اقپاراتتىق اگەنتتىگىمەن ىنتىماقتاستىق تۋرالى كەلىسىمگە قول قويدى
«قازاقپارات» ح ا ا باس ديرەكتورى داۋرەن دياروۆ «قازاقپارات» حالىقارالىق اقپاراتتىق اگەنتتىگى ءوزىنىڭ الەمدىك مەديا- كەڭىستىككە قاتىسۋىن كەڭەيتۋگە ۇمتىلىپ جاتقانىن ايتىپ ءوتتى.
«بۇگىن استانادا قول قويىلعان اقپارات سالاسىنداعى ىنتىماقتاستىق تۋرالى كەلىسىم تاياۋ كەلەشەكتە موڭعوليا وقىرماندارىنا جاڭا قازاقستان جايلى، ق ر پرەزيدەنتىنىڭ باستامالارى جايلى اقپاراتتاردى جەتكىزۋگە جاردەمدەسەتىن بولادى»، - دەپ اتاپ ءوتتى د. دياروۆ.
ونىڭ ايتۋىنشا، موڭعوليانىڭ قازىرگى ءومىرى جايلى جاڭالىقتار از.
«ەكى ەل اگەنتتىكتەرىنىڭ اراسىنداعى ىنتىماقتاستىق قازىرگى موڭعولداردىڭ تىنىس- تىرشىلىگى جايلى حابار جەتكىزۋگە سەپتىگىن تيگىزەدى دەگەن ۇمىتتەمىن»، - دەپ قوستى باس ديرەكتور.
كەزدەسۋ بارىسىندا تاراپتار «قازاقپارات» پەن «مونتسامە» اراسىنداعى ىنتىماقتاستىقتى جانداندىرۋ جايىندا پىكىرلەر مەن ۇسىنىستار الماستى. كەلىسىمگە «قازاقپارات» ح ا ا باس ديرەكتورى د. دياروۆ پەن «مونتسامە» باس ديرەكتورى ا. بااتارحۋياگ قول قويدى.
«مونتسامە» اقپاراتتىق اگەنتتىگى - موڭعوليانىڭ العاشقى مەديا ۇيىمدارىنىڭ ءبىرى بولىپ تابىلادى. 1921 - جىلى «مونتا» - موڭعول تەلەگرافتىق اگەنتتىگى اتاۋىمەن قۇرىلدى. شتاب- پاتەرى ۇلان- باتوردا ورنالاسقان.
