استانادا دەرەكتى كينو كۇندەرىنىڭ ەسىگى اشىلدى

استانا. قازاقپارات - استانادا «عاسىرلار اڭساعان ازاتتىق» دەرەكتى كينو كۇندەرى وتكىزىلۋدە.

«1- جەلتوقساندا دەرەكتى كينو كۇندەرى رەجيسسەر راشيد سۇلەيمەنوۆتىڭ «قازاقستان جولى: تاۋەلسىزدىك شەجىرەسى» سيكلىنەن «مەملەكەت باسشىسى» جانە «ەلباسى» اتتى فيلمدەرىنىڭ كورسەتىلىمىمەن باستالدى»، - دەپ اتاپ وتىلگەن ق ر مادەنيەت جانە سپورت مينيسترلىگىنىڭ تاراتقان اقپاراتىندا.

«قازاقستان جولى: تاۋەلسىزدىك شەجىرەسى» اتتى كوپ سەريالى دەرەكتى فيلم مەملەكەت تاريحىنداعى ەڭ جارقىن وقيعالاردىڭ ساراپتاماسى، حالىق ءومىرىنىڭ بارلىق سالالارى رەفورمالانۋىنداعى قازاقستان رەسپۋبليكاسى تۇڭعىش پرەزيدەنتىنىڭ ءرولى مەن مەملەكەت باسشىسىنىڭ الەمدىك كولەمدەگى جاھاندىق جوبالاردىڭ باستاماشىسى رەتىندەگى جەتىستىكتەرى تۋرالى باياندايدى.

سونىمەن قاتار شارا اياسىندا قازاقستان كورنەكتى قايراتكەرلەرىنىڭ ءومىرى مەن شىعارماشىلىعىنا ارنالعان دەرەكتى فيلمدەردىڭ تۇساۋكەسەرلەرى وتكىزىلدى. بۇل فيلمدەردىڭ قاتارىندا رەجيسسەر ب. نۇسىپبەكوۆتىڭ «شاكەن ايمانوۆ: ادام جانە اڭىز»، رەجيسسەر ج. جەتىرۋوۆتىڭ «مىرزاتاي جولداسبەكوۆ» جانە د. سالاماتتىڭ «نۇرلان ورازالين» كينولەنتالارى بار.

فيلمدەردىڭ كورسەتىلىمدەرى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ كينوتەاترىندا جانە قازاق ۇلتتىق ونەر ۋنيۆەرسيتەتىنىڭ جامبىل اتىنداعى زالىندا وتەدى.

«قازاقستان رەسپۋبليكاسىنىڭ تۇڭعىش پرەزيدەنتى كۇنىنىڭ اياسىندا ءوتىپ جاتقان شارانىڭ ۇيىمداستىرۋشىلارى «قازاقفيلم» ا ق، گۋميليەۆ اتىنداعى ەۋرازيا ۇلتتىق ۋنيۆەرسيتەتى، قازاق ۇلتتىق ونەر ۋنيۆەرستيتەتى بولىپ تابىلادى»، - دەلىنگەن مينيسترلىك مالىمەتىندە.