بەزەۋدەن قۇتىلۋدىڭ ادىستەرى

استانا. قازاقپارات - كوپتەگەن جاستىڭ ماسەلەسى - بەزەۋدەن قۇتىلۋ. بەتىڭىزدىڭ اجارىن بۇزىپ، سانى كۇننەن - كۇنگە كوبەيىپ بارا جاتقان بەزەۋدى ەمدەۋدىڭ نەشە ءتۇرلى ءتاسىلى بار. ءبىز سىزدەرگە قياردىڭ كومەگىمەن بەزەۋدى ەمدەۋدىڭ امالدارىن ۇسىنامىز.

1. قۇرامىندا جۇمىرتقا اعى مەن قيار بار ماسكا

بەتىڭىز مايلى بولسا، وسى ماسكانى تاڭداعانىڭىز ءجون. بەتىڭىزدى تازارتىپ، ۇساق تەسىكتەردى تارىلتىپ، قابىنۋدى باسادى. جۇمىرتقانىڭ اعىن كوپىرشىتىپ قويىڭىز. قياردى بلەندەردەن وتكىزىپ، ۇساقتاڭىز، ودان ەكى اس قاسىق الىپ، جۇمىرتقا اعىمەن ارالاستىرىڭىز. بىردەن بەتىڭىزگە جاعىپ، سالقىنداۋ سۋمەن جۋىپ تاستاڭىز

2. قۇرامىندا ليمون مەن قيار بار ماسكا

ءبىر شاي قاسىق ليمون شىرىنىن ەكى اس قاسىق ۇساقتالعان قيارمەن ارالاستىرىڭىز. بۇل قوسپانى بەزەۋلەرگە جاعىپ، 15 مينۋتقا قالدىرىڭىز. سالقىنداۋ سۋمەن جۋىپ تاستاڭىز.

3. قايناعان سۋ كومەگىمەن جاسالاتىن ماسكا

ۇساقتالعان قياردان 2 اس قاسىقتى جارتى ستاقان قايناعان سۋعا سالىپ، قارانعى جەرگە 3-4 ساعاتقا قالدىرۋ كەرەك. اتالعان ۋاقىت وتكەن سوڭ قياردى ءسۇزىپ الىپ، بەتىڭىزگە جاعىپ، 20 مينۋتقا قالدىرىڭىز. سالقىنداۋ سۋمەن جۋىپ تاستاڭىز.

عاسىرلار بويى قياردى بەتتى تازارتۋ مەن كۇتۋگە ارنالعان باستى قۇرالداردىڭ ءبىرى رەتىندە سانايدى. دۇرىس قولدانۋدىڭ ناتيجەسى بولاتىنىنا كۇمان جوق.

ىسكە ءسات!

massaget.kz