ب. وبامانىڭ يمميگراتسيالىق جوسپارى سىنالدى
ونىڭ ايتۋىنشا، ەلدەگى كەلىمسەكتەردىڭ انكەتالىق مالىمەتتەرىنە ءجىتى قاراۋدى تىيساق، ولار دەر كەزىندە جۇمىسقا ورنالاسىپ، جۇرت قاتارلى سالىق تولەيتىن بولادى. بۇل ەل ەكونوميكاسىنا پايدا اكەلمەسە، زيانىن تيگىزبەيدى. ول كوپتەگەن جىلدار بويىنا نازاردان تىس كەلە جاتقان كەلىمسەكتەرگە جاۋاپكەرشىلىك جۇكتەۋدىڭ تيىمدىلىگىن مويىندايتىن كەز كەلدى دەپ مالىمدەدى.
الايدا كونگرەستىڭ ۇلتتىق قاۋىپسىزدىك جونىندەگى كوميتەت ءتوراعاسى، رەسپۋبليكالىق مايكل ماككول اق ءۇي قوجايىنىنىڭ بۇل قادامىن قاتاڭ سىنعا الدى. ول مەملەكەت باسشىسىنىڭ كەلىمسەكتەردى زاڭداستىرۋ باستاماسى دەموكراتيالىق قۇندىلىقتارىمىزعا نۇقسان كەلتىردى دەپ ەسەپتەيدى. قالاي بولعاندا دا ب. وبامانىڭ اتالعان قۇجاتتى قابىلداۋعا ەشقانداي زاڭدىق وكىلەتتىگى جوق دەپ سانايدى.
مايكل ماككول، كونگرەستىڭ ۇلتتىق قاۋىپسىزدىك جونىندەگى كوميتەت ءتوراعاسى: - ەلدەگى كەلىمسەكتەر ماسەلەسىنىڭ وڭ جانە تەرىس جاقتارى بار. وكىنىشكە قاراي پرەزيدەنت تەرىس جولدى تاڭدادى. ول ءبىزدىڭ دەموكراتيالىق ۇردىستەرىمىزگە تۇپكىلىكتى تۇردە بالتا شابۋعا تاۋەكەل ەتتى. ءبىز زاڭدى قۇرمەتتەگەن حالىقپىز، سوندىقتان ەلدەگى ماڭىزدى ساياسي ماسەلەلەردىڭ سوڭعى نۇكتەسى بيلىك باسىنداعى جالعىز ادامنىڭ شەشىمىنە تاۋەلدى بولىپ قالماۋى كەرەك.
اۆتورلارى: جىگەر سارسەن، انار گاريب
