ءجۇز مىڭ دوللار تاۋىپ العان مۇسىلمان اقشانى پوليتسياعا تاپسىردى

استانا. قازاقپارات - ءوزىنىڭ مەيرامحاناسىنان اقشا سالىنعان سومكە تاۋىپ العان مۇسىلمان كوپ ويلانباستان «ويلاماعان ولجانى» پوليتسيا قىزمەتكەرلەرىنە تابىستادى، muslim.kz.

«مەن مۇسىلمانمىن. بىزدەر ءۇشىن ماڭداي تەرىمىزبەن تاپقان اقشا عانا ادال بولىپ سانالادى، - دەيدى سان حوسە قالاسىنداعى Burger King مەيرامحاناسىنىڭ قوجايىنى التاف چاۋس.

التاف اقشا تولى سومكەنى وتكەن اپتادا تاۋىپ العان كورىنەدى. جۇمىس ۋاقىتى اياقتالعانعا دەيىن قوجايىنى كەلىپ قالار دەگەن ويمەن ەشكىمگە حابارلاسا قويماعان. الايدا، اقشا يەسى بوي كورسەتپەگەسىن بىردەن پوليتسياعا قوڭىراۋ شالعان.

«سومكەدە ءارقايسىسى 10000 دوللاردان 10 بۋما جاتتى. ومىرىمدە بۇنداي اقشا كورمەگەن ەسىم شىعىپ كەتتى»، - دەيدى اعىنان جارىلعان التاف.

پوليتسيا قىزمەتكەرلەرى ءتىنتۋ بارىسىندا سومكەدەن اقشاعا قوسا، ەسىرتكىنىڭ دە بارىن انىقتاعان. ازىرگە سومكە قوجايىنى تابىلمادى.