استانا قالاسى اكىمىنىڭ جاڭا ورىنباسارى تاعايىندالدى

استانا. قازاقپارات - اندرەي لۋكين استانا قالاسى اكىمىنىڭ ورىنباسارى بولىپ تاعايىندالدى.

بۇنىڭ الدىندا ق ر پرەزيدەنتىنىڭ جارلىعىمەن اندرەي يۆانوۆيچ لۋكين قازاقستان رەسپۋبليكاسىنىڭ ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسياسى) ءتوراعاسىنىڭ ءبىرىنشى ورىنباسارى قىزمەتىنەن بوساتىلعان بولاتىن.

لۋكين اندرەي يۆانوۆيچ 1961-جىلى 28- شىلدەدە تۋعان. سەلينوگراد ينجەنەر-قۇرىلىس ينستيتۋتىن، قاراعاندى مەملەكەتتىك ۋنيۆەرسيتەتىن بىتىرگەن، زاڭگەر.

1985- 1998-جىلدار ارالىعىندا قازاقستان رەسپۋبليكاسى ىشكى ىستەر مينيسترلىگى ورگاندارىندا قىزمەت وتكەرگەن. اقمولا قالاسى شىعىس ىشكى ىستەر ءبولىمىنىڭ باستىعى، اقمولا قالاسى ىشكى ىستەر باسقارماسىنىڭ باستىعى، مەملەكەتتىك تەرگەۋ كوميتەتىنىڭ باستىعى.

1998-جىلعى مامىر - 2003-جىلعى شىلدە ارالىعىندا - استانا قالاسى تۇرعىن ءۇي دەپارتامەنتىنىڭ باستىعى، 2003-جىلعى شىلدە - قىركۇيەك ارالىعىندا - قازاقستان رەسپۋبليكاسى يندۋستريا جانە ساۋدا مينيسترلىگى اكىمشىلىك جانە قۇقىق جۇمىسى دەپارتامەنتىنىڭ ديرەكتورى، 2003-جىلعى قىركۇيەك - 2005-جىلعى ءساۋىر ارالىعىندا قازاقستان رەسپۋبليكاسى يندۋستريا جانە ساۋدا ۆيتسە-ءمينيسترى.

2005-2014- جىلدار قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسياسى) ءتوراعاسىنىڭ ورىنباسارى.

قارجى پوليتسياسىنىڭ گەنەرال-مايورى.

2- دارەجەلى «داڭق» وردەنىمەن، ءبىرقاتار مەدالدارمەن جانە توسبەلگىلەرمەن ماراپاتتالعان.

اۆتور: جاسۇلان جولدىبايەۆ