قار تاپشىلىعىنان بياتلوننان الەم كۋبوگىنىڭ ەكىنشى كەزەڭى كەيىنگە شەگەرىلۋى مۇمكىن

استانا. قازاقپارات - بياتلوننان الەم كۋبوگىنىڭ ەكىنشى كەزەڭى كەيىنگە شەگەرىلۋى مۇمكىن دەگەن اقپاراتتى سەيسەنبى كۇنى رەسەي بياتلونيستەر وداعى Twitter پاراقشاسىنداعى شاعىن بلوگتا جاريالادى.

«الەم كۋبوگىنىڭ ەكىنشى كەزەڭى قار تاپشىلىعى سالدارىنان حوحفيلتسەننەن وستەرسۋندكە كوشىرىلۋى ىقتيمال. شەشىم بۇگىن قابىلدانادى»، - دەلىنگەن حابارلامادا.

الەم كۋبوگىنىڭ ەكىنشى كەزەڭى باستاپقىدا 11-14- جەلتوقسان ارالىعىندا اۆستريالىق حوحفيلتسەندە ءوتۋى ءتيىس ەدى. الەم كۋبوگى 9 كەزەڭنەن تۇرادى. سوڭعىسى ر ف حانتى- مانسييسك قالاسىندا 2015-جىلدىڭ 18-22- ناۋرىزى ارالىعىندا وتەدى. سونىمەن قاتار بياتلونشىلار كونتيولاحتي قالاسىندا 2015-جىلى 3-15- ناۋرىز ارالىعىندا بولاتىن الەم چەمپيوناتىنا قاتىسادى.

جەكسەنبى كۇنى العاشقى كەزەڭ شۆەتسيالىق ەستەرسۋندتە باستالدى. بۇل جارىستا فرانسيا ءبىرىنشى ورىندى ەنشىلەدى.