رەسەي تاۋارلارىنىڭ ارزانداۋىنا بايلانىستى سولتۇستىكتە رۋبلگە سۇرانىس ارتتى
دەپ حابارلادى ك ت ك تەلەارناسى.
سەنبى، جەكسەنبى كۇندەرى قىزىلجار تۇرعىندارى جاقىن جەردەگى ومبىعا اعىلاتىن بولعان. ول جاقتا تۇرمىستىق تەحنيكا، ازىق- تۇلىك، كيىم- كەشەك 30-40 پايىزعا ارزان كورىنەدى. بۇل جاعداي، ارينە، وڭىردە رەسەي رۋبلىنە دەگەن سۇرانىستى ارتتىرعان. دەسە دە، ونىڭ تەڭگەگە شاققانداعى باعامى كوتەرىلگەن جوق، كەرىسىنشە، تومەندەپ بارادى. بەس ايدا بۇل ۆاليۋتانىڭ قۇنى 5 تەڭگە 40 تيىننان 3 تەڭگە 79 تيىنعا دەيىن، ياعني 20-25 پايىزعا قۇلدىرادى. قازىر قىرعىزدىڭ سومىنان ءسال قىمباتىراق بوپ تۇر. ناتيجەسىندە تەك سولتۇستىك قازاقستان وبلىسىندا بەس ايداعى ساتىلىم ەكى ەسەگە ۇلعايىپتى. جالپى ەلىمىز بويىنشا وسى مەرزىم ىشىندە 50 ميلليارد رەسەي رۋبلى ساتىلعان. بىلتىر بۇل كورسەتكىش 50 پايىزعا كەم ەدى دەيدى قارجىگەرلەر. ال رەكوردتىق كورسەتكىش باتىس قازاقستاندا تىركەلگەن. ورالدىڭ ۆاليۋتا ايىرباستاۋ ورىندارى بىلتىرمەن سالىستىرعاندا رەسەي رۋبلىن بەس ەسە ارتىق ساتىپتى.
