قايرات احمەتوۆ ەۋروپانىڭ ەڭ ۇزدىك ون جەكپە- جەكشىسىنىڭ قاتارىنا ەندى

الماتى. قازاقپارات - الماتىداعى «الاش پرايد KZ» كاسىبي جەكپە- جەك كلۋبىنىڭ مۇشەسى، 57 كەلى سالماق دارەجەسىندە ونەر كورسەتەتىن قايرات احمەتوۆ ەۋروپانىڭ ەڭ ۇزدىك جەكپە- جەكشىلەرى رەيتينگىسىندە 9- ورىنعا كوتەرىلدى.

بۇل تۋرالى sports.kz حابارلادى.

ايتا كەتەلىك، قايرات (لاقاپ اتى «قازاق» ) احمەتوۆ وتكەن ايدىڭ 23- جۇلدىزىندا الماتى قالاسىندا ارالاس جەكپە- جەكتەن وتكەن «دالا باتىرلارى» حالىقارالىق تۋرنيرىندە ەۋروپانىڭ ۇزدىك جەكپە- جەكشىلەر رەيتينگىسىندە ءبىرىنشى ورىندا تۇرعان فرانسيالىق سارباز سالاح (لاقاپ اتى «الجيرلىك» ) ەلكاستى جەڭىپ، «Alash Pride FC»  نۇسقاسى بويىنشا الەم چەمپيونى اتانعان بولاتىن.

اۆتور: جاپپاربەرگەن ايبوتا