ن. نازاربايەۆ: قازاقستان مەن تۇرىكمەنستان ساۋدا، ساياسي جانە مادەني بايلانىستارىن ودان ءارى ارتتىرۋى ءتيىس

اشحاباد. قازاقپارات - بۇگىن مەملەكەت باسشىسى نۇرسۇلتان نازاربايەۆ پەن تۇرىكمەنستان پرەزيدەنتى گۋربانگۋلى بەردىمۇحامەدوۆتىڭ ەكىجاقتى كەزدەسۋى ءوتتى.

كەزدەسۋ بارىسىندا ەكى ەل باسشىلارى ءتۇرلى سالالارداعى ەكى ەل اراسىندا دامىپ كەلە جاتقان قارىم- قاتىناستاردىڭ ارتىپ كەلە جاتقانىن تىلگە تيەك ەتىپ، بارلىق باعىتتار بويىنشا ءوزارا ىنتىماقتاستىقتى ءارى قاراي دامىتۋعا نيەتتى ەكەندىكتەرىن تانىتتى.

«ساۋدا- ەكونوميكالىق قارىم- قاتىناستارىمىز جاقسى دامىپ كەلەدى، بەتالىستارىمىز دا بار، ءبىزدىڭ جاقسى قورلارىمىز دا بار. ءسىزدىڭ ساپارىڭىزدىڭ الدىندا ىسكەرلىك ورتا كەزدەسۋلەرى بولدى، ولار ءبىزدىڭ ەلدەردىڭ اراسىندا تاۋار اينالىمى كولەمىن ارتتىرۋ ءۇشىن كوپتەگەن سايكەستىكتەردى ايقىندادى»، - دەدى گ. بەردىمۇحامەدوۆ.

ءوز كەزەگىندە، ق ر پرەزيدەنتى نۇرسۇلتان نازاربايەۆ تۇرىكمەنستاننىڭ قازاقستاننىڭ ستراتەگيالىق ارىپتەسى بولىپ تابىلاتىنىن جانە ءبىزدىڭ ەلدەرىمىزدىڭ ەكى مەملەكەت اراسىنداعى ءوزارا قارىم- قاتىناستاردى نىعايتاتىن ءارى حالقىمىزدىڭ يگىلىگىنە قىزمەت ەتەتىن بىرىككەن حالىقارالىق جوبالاردى جۇزەگە اسىرۋعا كىرىسىپ كەتكەنىن دە اتاپ ءوتتى.

اتاپ ايتقاندا، ق ر پرەزيدەنتى «وزەن- بەرەكەت- گورگان» تەمىرجول ماگيسترالىنىڭ اشىلۋىنىڭ ماڭىزدىلىعىن اتاپ ءوتتى، ونىڭ ىسكە قوسىلۋ سالتاناتىنا ەكى ەل باسشىلارى قاتىسپاق.

«تۇرىكمەنستان قازاقستان ءۇشىن جاقىن كورشىمىز رەتىندە زور مانگە يە. قازاقستان مەن تۇركىمەنستان اراسىندا جولدىڭ سالىنۋىنا بايلانىستى بيىلعى جىلى تاۋار اينالىمى 38 پايىزعا ارتتى، بۇرىن مۇنداي بولماعان ەدى. مەن ساۋدا، ساياسي، مادەني قارىم- قاتىناستارىمىزدى ودان ءارى دامىتۋ ءۇشىن تاعى دا كۇش سالۋىمىز كەرەك دەپ سانايمىن»، - دەدى ن. نازاربايەۆ.

مەملەكەت باسشىسى سونداي- اق قازاقستان مەن تۇرىكمەنستاننىڭ حالىقارالىق ساياسات ماسەلەلەرىندەگى ۇستانىمدارىنىڭ جاقىندىعىن اتاپ ءوتتى.